Búgín Almatyda qala ákímdígí men Mádenıet basqarmasynyń qoldauymen jańa kítaphana saltanatty túrde ashyldy.
Qalanyń 31-shí kítaphanasy bolǵan jańa nysan oqu dástúríníń qūndylyqtaryn tsıfrlyq tehnologıyamen, zamanauı bílímmen jáne keń auqymdy aqparattyq resurstarmen úılestírgen megapolıstíń mádenı jańǵyruynyń sımvolyna aınaldy.
Kítaphananyń ashylu rásímíne Almaty tūrǵyndary, qala basshylyǵynyń ókílderí, belgílí jazushylar, qoǵam qaıratkerlerí jáne mádenı qauymdastyq ókílderí qatysty.
Ís-shara barysynda Almaty qalasy ákímíníń orynbasary Abzal Núkenov sóz sóılep, qalanyń ár audanynda mádenı ortalyqtar men kítaphanalardy ashu – áleumettík ınfraqūrylymdy tūrǵyndar úshín qoljetímdí etuge baǵyttalǵan mańyzdy basymdyqtardyń bírí ekenín atap óttí. Onyń aıtuynsha, mūndaı ortalyqtar qoǵamdyq ómírdíń jandanuyna yqpal etíp, qala tūrǵyndarynyń zamanauı aqparattyq árí bílím beru resurstaryna erkín qol jetkízuíne múmkíndík beredí.
Kítaphana zamanauı talaptarǵa saı qalyptasqan auqymdy kítap qory men jetíldírílgen materıaldyq-tehnıkalyq múmkíndíkteríníń arqasynda jasy men qyzyǵushylyǵy ártúrlí oqyrmandardyń qajettílígín tolyq qamtamasyz etedí.
Mūnda kompyutermen jūmys ísteuge arnalǵan arnaıy zal, jeke oqu úshín qolaıly tynysh aımaqtar, sondaı-aq bírlesken kezdesuler men shyǵarmashylyq bastamalardy júzege asyruǵa laıyqtalǵan keńístíkter qarastyrylǵan.
Sonymen qatar, kítaphananyń basty erekshelíkteríníń bírí - erekshe qajettílígí bar azamattar úshín arnaıy beıímdelgen jūmys oryndary qarastyrylǵan. Olar kóru qabíletí tómen jáne zaǵıp oqyrmandarǵa arnalǵan Braıl baǵdarlamalary men dybystyq ınterfeıstermen jabdyqtalǵan.
«Mūndaı jańa árí zamanauı kítaphanalardyń ashyluy – oı men bílímdí toǵystyryp, ūlt ruhanıyatyn jańa deńgeıge kóteretín mańyzdy mádenı keńístík. Būl bastama oqyrman mádenıetíníń damuyna zor serpín beredí dep senemín», – dedí Qazaqstan Jazushylar odaǵynyń tóraǵasy Mereke Qūlkenov.
Jańa kítaphananyń ashyluy qalanyń mádenı ınfraqūrylymyn damytudyń mańyzdy qadamy bolyp, almatylyqtar úshín jańa tartymdy ortalyqqa aınalmaq. Kítaphananyń basty artyqshylyqtarynyń bírí – 20 myńǵa deıín kítapty qamtıtyn baı árí mazmūndy kítap qory.
Almaty Kítaphanalaryna qarasty jańa kítaphana Qūlboldy kóshesí, 1/2, 2-korpus mekenjaıy boıynsha saǵat 08:30-20:00 uaqyt aralyǵynda qala tūrǵyndary men qonaqtary úshín demalyssyz jūmys ísteıdí.
Búgíngí tańda Almaty qalasynda 31 qala kítaphanasy jūmys ísteıdí, olardyń úsheuí táulík boıy qyzmet kórsetedí.