Almaty qalasynyń Perınatologıya jáne balalar kardıohırurgıyasy ortalyǵynda QR-da alǵash ret jańa joba íske qosyluda: Emshek sútíníń jeke bankí.
Būl mańyzdy áleumettík joba QR Densaulyq saqtau mınıstrlígíníń bastamasymen jáne AYALA qaıyrymdylyq qorynyń qoldauymen íske asyryluda, ol eń osal patsıentterdíń: tabıǵı tamaqtanudy tíkeleı anasynan ala almaıtyn erekshe medıtsınalyq qajettílíkterí bar shala tuǵan jáne jańa tuǵan nárestelerdíń ómírín saqtauǵa baǵyttalǵan.
Emshek sútíníń jeke bankí - būl qarqyndy terapıyany qajet etetín jańa tuǵan nárestelerdí qoldauǵa baǵyttalǵan mańyzdy bastama. Auruhana jaǵdaıynda, náreste ártúrlí sebeptermen anasynan emshek sútín ala almaǵan kezde (mysaly, qıyn bosanu kezíndegí medıtsınalyq kórsetílímderge baılanysty), mūndaı bank taptyrmas resursqa aınalady.
Reanımatsıyadaǵy jańa tuǵan nárestelerínen májbúrlí túrde bólíngen analarǵa qoldau kórsetu óte mańyzdy.
Emshek sútín qauípsíz sauu jáne saqtau protsesín ūıymdastyru nárestelerdí qūndy tamaqpen qamtamasyz etíp qana qoımaıdy, sonymen qatar laktatsıyany saqtauǵa, analardaǵy strestí azaıtuǵa jáne auyr, qıyn bosanǵannan keıín de balamen baılanysyn nyǵaıtuǵa kómektesedí.
Emshek sútíníń jeke bankín ashu - neonataldyq qyzmettí jetíldírudegí óte mańyzdy qadam.
Emshek sútín sauu meıírgerdíń baqylauymen míndettí tańbalanuy bar sterıldí jeke ydystarda (sauu kúní men uaqyty) júzege asyrylady. Jeke jáne klınıkalyq emshek sorǵylaryn paıdalanuǵa rūqsat etíledí. Barlyq ís-sharalar sanıtarıyalyq-gıgıenalyq normalardy saqtaı otyryp júrgízíledí.
Bank sterıldí ydystarǵa jınalǵan jáne emshek sútímen qorektendíru múmkín bolmaǵan kezde balany tamaqtandyru úshín tómen temperaturada saqtalatyn sauylǵan sút qory bolyp tabylady. Mūnda salqyndatylǵan (4 ± 2 °C temperaturada saqtalǵan) jáne mūzdatylǵan (-18...-20 °C temperaturada) sauylǵan tabıǵı (shıkí) súttí saqtauǵa bolady.
Bolashaqta Densaulyq saqtau mınıstrlígí joǵary qauíptí faktorlary bar júktí áıelder keletín jáne shala tuǵan jáne salmaǵy az balalar tuatyn eldíń árbír 3-shí deńgeıdegí perınataldyq ortalyǵynda osyndaı bankter ashudy josparlap otyr.
Emshek sútí jańa tuǵan náresteler úshín ońtaıly qorektendíru retínde tanylady: onyń qūramynda balanyń tolyq ósuíne, damuyna jáne tūraqty ımmunıtetín qalyptastyruǵa qajettí qorektík zattar men fermentterdíń tamasha teńdestírílgen keshení bar. Onyń bíregeı qūramy ınfektsıyalyq aurulardan qorǵaudy qamtamasyz etedí jáne ūzaq merzímdí densaulyqty qalyptastyruǵa yqpal etedí.
Būl joba DDŪ bastamasy boıynsha jyl boıy ótkízíletín Densaulyq kúníne arnalǵan ís-sharalar sheńberínde: «Salamatty ómírdíń bastaluy - berekelí bolashaqtyń kepílí» ūranymen íske asyryldy. Joba sonymen qatar analar men jańa tuǵan nárestelerdíń densaulyǵyn saqtau jóníndegí halyqaralyq aqparattyq nauqannyń bólígí boldy.