Óńírlík kommunıkatsıyalar qyzmetínde ótken baspasóz konferentsıyasynda «Qazáueormanqorǵau» RMK almatylyq avıatsıyalyq bólímshesíníń basshysy Bekzat Baıshalov bıylǵy órt qaupí artatyn mausymǵa daıyndyq pen ormandy órtten qorǵau jūmysyn qalaı qolǵa alyp jatqandaryn bayandady, – dep habarlaıdy aqshamnews.kz tílshísí.
Onyń aıtuynsha, qazír olar órt qaupíníń aldyn alu úshín jan-jaqty daıyndyq jasauǵa kírísken: mamandardy oqytyp, tekserís jasap, ormandy barlap shyǵuǵa arnalǵan avıatsıyany osyǵan ázírlep jatyr.
Qys mezgílínde avıatsıyalyq-órt sóndíru qyzmetíníń mamandary orman órtín sóndíru boıynsha oqudan ótíp, emtıhan tapsyryp, tájírıbe júzínde ís-qımyldaryn pysyqtady. Sondaı-aq orman ıelerímen bírlesken kezdesu ótkízíp, órt shyqqan jaǵdaıda jedel árí úılesímdí áreket etudíń jolyn bír-bírímen kelísíp alǵan. Bekzat Baıshalovtyń aıtynsha, komanda aldaǵy ísteıtín jūmystaryn ábden elek-ekshep alyp, kez kelgen jaǵdaıǵa dayar otyr eken.
«Bíz barlyq qyzmetkerdí aldyn ala oqytyp, jattyqtyramyz, sonda olar qandaı jaǵdaıda bolsyn jyldam árí senímdí qımyldaıdy. Árkím óz míndetín túsíníp, kúrdelí jaǵdaıda tehnıkamen jūmys ísteı aluy kerek», - deıdí ol.
Ol sondaı-aq órt sóndíruge avıatsıya da aldyn ala dayarlap alatynyn aıtty.
«Ūshaq pen tíkūshaq qajet bolǵannan keıín áue kompanıyalarymen kelísímshart ta jasadyq. Būl adam bara almaıtyn aımaqtardaǵy órt shyqqan jerge jyldam jetuge múmkíndík beredí», - dep túsíndírdí spıker.
Ūshaqtar 424 saǵat 54 mınutqa, 2–3 klasty tíkūshaqtar 337 saǵat 55 mınutqa, 1 klasty tíkūshaqtar 96 saǵat 31 mınutqa josparlanǵan. Mausym bastalǵanda órt qaupí artatyndyqtan saqshylar ormandy áueden úzbeı baqylaı bastaıdy.
Qazír eń kúrdelí jaǵdaı Íle ózení audanynda bolyp otyr. Mūnda jergílíktí tūrǵyndar sharuashylyqqa kerek bolyp qalǵannan keıín bír jerdí órteıdí, sodan órt shyǵady keıde. Osyndaı 9 órt tírkelíptí. Mekemeníń málímetínshe, qazírgí kezde baqylau men órttíń aldyn alu jūmysy kúsheıtílgen.