Almatynyń Balalarǵa shūǵyl medıtsınalyq kómek kórsetu ortalyǵynda 31 magnıt jūtyp qoıǵan sábıge shūǵyl ota jasaldy, - dep habarlaıdy aqshamnews.kz.
Būl turaly qalalyq Qoǵamdyq densaulyq saqtau basqarmasynyń ókílderí aıtty.
Qabyldau bólímíne 1 jas 9 aılyq bala óte auyr jaǵdaıda jetkízílgen. Tekseru nátıjesínde dárígerler «íshektegí bógde zattar — 31 magnıt, jíńíshke íshektíń kóptík tesíluí, jaıylǵan nájístík perıtonıt» dıagnozyn qoıdy.
Balanyń ómírín saqtap qaludyń jalǵyz joly – shūǵyl hırurgıyalyq ota jasau boldy. Dárígerler ortańǵy laparotomıya jasap, qūrsaq quysy aǵzalaryna tolyq tekseru júrgízdí. Ota barysynda magnıtter íshekten alynyp, jíńíshke íshektegí kóptegen tesík tígíldí, qūrsaq quysy tazartylyp, drenaj ornatyldy. Sonymen qatar íshekke transanaldyq ıntubatsıya jasaldy.
Ortalyq hırurgí Asqar Rızvanovtyń aıtuynsha, magnıtterdíń basty qaupí – olardyń aǵzaǵa bólek-bólek túskenímen, íshekte bír-bíríne tartylyp, íshek qabyrǵasyn qysyp qaluynda.
«Magnıtterdíń arasynda íshek qabyrǵasy qysylady, qan aınalymy būzylady, tínder jansyzdanady, tesík paıda bolady. Sonyń saldarynan sanauly saǵattardyń íshínde perıtonıt damuy múmkín. Ata-analar kóbíne balanyń jaǵdaıy qanshalyqty jyldam nasharlaıtynyn ańǵarmaı qalady», – dedí hırurg.
Dárígerlerdíń eskertuínshe, típtí bír magnıt jūtylǵan jaǵdaıda da dereu medıtsınalyq kómekke júgínu qajet. Al bírneshe magnıt balanyń ómíríne tíkeleı qauíp tóndíredí.
Mamandar ata-analardy balalardyń magnıttí oıynshyqtarǵa, magnıt sharıkterge jáne qūramynda ūsaq magnıtterí bar zattarǵa qol jetkízuín shekteuge, tūrmysta qauípsízdík sharalaryn qatań saqtauǵa shaqyrady.
