Almatyda ótken halyqaralyq 9-shy hırurgtar kongresínde Qazaqstandaǵy transplantologıya salasynyń túıtkílderí talqylandy.
Jıyn Syzǵanov atyndaǵy Ūlttyq ǵylymı hırurgıya ortalyǵynyń 80 jyldyǵyna oraı ūıymdastyryldy, - dep habarlaıdy Aqshamnews.kz.
Qazír elímízde myńǵa juyq adam bauyr transplantatsıyasyna kezekte tūr. Alaıda bıyl jyl basynan berí nebárí 40-tan asa operatsıya jasalǵan. Būl qajettílíktíń 5–6 paıyzyn ǵana óteıdí. Mamandardyń aıtuynsha, basty másele – donor tapshylyǵy.
Tírí donorǵa ıek artqanmen, kóp jaǵdaıda sáıkes kelmeıdí. Al máıíttík donordyń jetíspeuí talaı nauqastyń ómírín qaterge tígíp otyr. Bıyl transplantatsıyalardyń 95 paıyzy eresekterge jasalsa, qalǵan az bólígí tua bíttí dertke shaldyqqan balalarǵa jasalǵan. Keıbír búldírshínderdí kvota arqyly shetelge jíberuge tura keledí. Máselen, 2025 jyldyń ózínde 12 bala Úndístanda bauyr almastyrǵan.
«Bíz tek tírí donorlyqty damytu arqyly būl máselení tolyq sheshe almaımyz. Qazír máıíttík donorlyq júıesín jolǵa qoımaıynsha, kezek jyldan jylǵa azaımaıdy», – dedí «A.N. Syzǵanov atyndaǵy Ūlttyq ǵylymı hırurgıya ortalyǵy» AQ basqarma tóraǵasy Bolatbek Baımahanov.
Mamandar zańǵa ózgerís engízílíp, máıíttík donorlyq ınstıtuty damysa, kóptegen nauqastyń úmítí qaıta janatynyn aıtady.