Almaty qalasynda eki kúndik Ortalyq Azıa-Qytaı neırohırýrgter forýmy óz jumysyn bastady. Ol megapolıstiń neırohırýrgter qoǵamynyń otyrysy sheńberinde ótýde.
Forým ozyq tehnologıalardy, hırýrgıalyq tásilderdi jáne kúrdeli klınıkalyq jaǵdaılardy talqylaý úshin Qazaqstan, Qytaı, Reseı, Ózbekstan, Qyrǵyzstan jáne Tájikstannyń jetekshi neırohırýrgtaryn biriktirdi.
İs-sharany "Almaty qalasynyń neırohırýrgter qoǵamy" qoǵamdyq birlestigi, Almaty qalasynyń Qoǵamdyq densaýlyq saqtaý basqarmasy, Almatynyń №2 balalar qalalyq klınıkalyq aýrýhanasy jáne S.D.Asfendıarov atyndaǵy Qazaq ulttyq medısına ýnıversıtetiniń neırohırýrgıa kafedrasy uıymdastyrdy.
"Almaty qalasynyń neırohırýrgtar qoǵamy" qoǵamdyq birlestiginiń tóraǵasy, Almaty qalasynyń №2 BKQA dırektory Marat Rabandıarov atap ótkendeı:
"Osy forým aıasynda balalar men eresekter sıaqty neırohırýrgıalyq patologıanyń ózekti máseleleri talqylanady. Bul, árıne, epılepsıa hırýrgıasy, týa bitken aqaýlar, mı isikteri, eresek turǵyndardaǵy neırohırýrgıalyq patologıalardyń problemalary. Qazaqstandaǵy Neırohırýrgıa búgingi kúni óte joǵary deńgeıde. Biz AQSH-taǵy Eýropa elderindegi sıaqty sońǵy tehnologıalar, sońǵy hattamalar boıynsha jumys isteımiz. Bizdiń mamandyǵymyzda óz biliktiligimizdi únemi arttyryp otyrý qajet, jyl saıyn bizdiń mamandar tájirıbe almasý úshin túrli elderge barady. Almatynyń № 2 BQKA neırohırýrgtary jaqynda Túrkıaǵa, AQSH-qa, Japonıaǵa saparlar jasady. Biz áriptesterimizge sheberlik sabaǵyn kórsetý úshin basqa elderge jıi baramyz. Biz Reseıde, Qyrǵyzstanda, Ózbekstanda kúrdeli, biregeı operasıalardy oryndaı otyryp, osyndaı birneshe master-klasstardy ótkizdik".
Bul forým tájirıbe almasý, neırohırýrgıa salasyndaǵy yntymaqtastyqty tereńdetý jáne kásibı ósý úshin jańa múmkindikter jasaý úshin biregeı platformaǵa aınalmaq.
Neıroǵylymdardyń qarqyndy damýy jaǵdaıynda elder arasynda bilim men tájirıbe almasý erekshe ózekti bolyp tabylady. Konferensıada neıroonkologıa, tamyrly neırohırýrgıa, epılepsıa hırýrgıasy jáne basqa da negizgi baǵyttar boıynsha baıandamalar usynylýda.
"Qazirgi neırohırýrgıa-óte tez damyp kele jatqan mamandyq. Qazaqstandyq neırohırýrgıa álemmen qatar júredi. Áriptester arasyndaǵy mundaı kezdesýler árqashan bárine paıdaly. Eń aldymen, bul naýqastarǵa paıdaly. Bizdiń elimizde jańa tehnologıalar óte tez engizilýde. Búgingi tańda mańyzdy baǵyt - bul fýnksıonaldy neırohırýrgıa, onda neırohırýrgtyń áreketi jáne onyń operasıasy adamdardyń ómir súrý sapasyn jaqsartýǵa baǵyttalǵan.
Buryn hırýrgıalyq emdelmegen aýrýlar bar, olardy emdeý múmkin bolmady. Qazir jańa tehnologıalardyń kómegimen fýnksıonaldy neırohırýrgıa qarqyndy damyp keledi jáne dál osy konferensıada usynylǵan baıandamalar dálel bolyp tabylady. Neırohırýrgıanyń ózi mı, julyn jaraqattarynan bastap, adamdar aýyr, qorqynyshty mı, julyn jaraqattaryn alǵan kezde, balalar men qursaqishilik neırohırýrgıaǵa deıin keńinen usynylǵan. Óte úlken spektr, neırohırýrgtardyń qoldaný aımaqtary óte kóp. Sondyqtan olar bir salada mamandanǵan, bireý bas mı jaraqatymen, bireý qan tamyrlarymen jáne t.b. munyń bári bir konferensıada biriktirilgen kezde talqylanady, tyńdaý jáne úırený árqashan óte qyzyqty", - deıdi Almaty QDB bas shtattan tys neırohırýrgy, №7 QKB janyndaǵy neırohırýrgıalyq ortalyqtyń basshysy Ermek Dúısembekov.
Erteń, 30 mamyrda osy forýmnyń ekinshi kúni aıasynda Qytaıdan kelgen áriptesterimiz №2 qalalyq balalar klınıkalyq aýrýhanasynyń balalar neırohırýrgıalyq bólimshesiniń naýqastaryn aralaıdy.