Ǵ.Músírepovtíń muzeı-úıínde Almaty qalasy ákímdígíníń qoldauymen qazaq ádebıetíníń klassıgí, akademık-jazushy Ǵabıt Músírepovtíń «ER ANA» atty áńgímeler jınaǵynyń tanystyrylymy óttí.
“Kítap “Qasymkitap” baspasynan 1000 dana taralymmen jaryq kórdí. Qūrastyrushysy – Ádílǵazy Qaıyrbekov. Jınaqqa qalamgerdíń «Borandy túnde», «Ananyń anasy», «Er ana», «Ekínshí Bıaǵa», «Avtobıografıyalyq áńgíme», «Japon balladasy» sıyaqty 32 áńgímesí engen”, - deıdí S.Mūqanov pen Ǵ.Músírepovtíń ádebı-memorıaldyq muzeı kesheníníń ǵylymı bólím jetekshísí Nazgúl Altaeva.
Ūlttyq sóz ónerí tarıxyndaǵy zor tūlǵa Ǵabıt Músírepovtíń shyǵarmashylyǵyn, áńgíme janryndaǵy sheberlík qūpıyasyn keńínen nasıhattau maqsatynda ótken būl ís-sharaǵa aqyn, Qazaqstan Jazushylar odaǵy Basqarma tóraǵasynyń orynbasary, Qazaqstannyń eńbek síńírgen qaıratkerí Qasymhan Begman, M.Áuezov atyndaǵy Ádebıet jáne óner ınstıtutynyń aǵa ǵylymı qyzmetkerí Gúlzıya Pírálí, aqyn, QR Bílím beru ísíníń úzdík qyzmetkerí Kámnūr Tálímūly, Almaty qalasy muzeıler bírlestígí dırektorynyń Damu jóníndegí orynbasary Aryn Sársembaev jáne basqa da ádebıet janashyrlary qatysyp, oı-píkírlerímen bólístí.
Qūrmanǵazy atyndaǵy Qazaq ūlttyq konservatorıyasynyń studentí, dástúrlí ánshí Nūrasyl Mádíbek Aqan seríníń ání «Jamal qyz» ben halyq ání «Sūrjelgenshení» oryndap, tyńdaushylardy bír serpíltíp tastady.
Ís-sharany muzeı kesheníníń aǵa ǵylymı qyzmetkerí Á.Qaıyrbekov qorytyndylady.