Almaty qalasynyń Turızm basqarmasy gıdter men ekskursovodtar úshín kásíbı bílíktílíktí arttyruǵa baǵyttalǵan oqytu kurstaryn ótkízude. Baǵdarlama turıstík qyzmet sapasyn kóteru jáne qalanyń servıstík deńgeıín jaqsartu maqsatynda jasalǵan.
Oqytu 17 qarashadan 12 jeltoqsanǵa deıín ótude jáne 200 qatysushyǵa arnalǵan. Kurstar qatysushylarǵa qazírgí zamanǵy talaptarǵa saı kásíbı daǵdylaryn jetíldíruge múmkíndík beredí.
Baǵdarlama ayasynda qatysushylar ekskursıyalyq qyzmet standarttaryn meńgeríp, turıstík marshruttardy ázírleu ádístemesín úırenedí. Sondaı-aq, Almatynyń mádenı jáne tarıhı mūrasyn zerttep, sheteldík turıstermen jáne múmkíndígí shekteulí adamdarmen jūmys ísteu daǵdylaryn damytady.
Kurs sheńberínde mamandar dárís oqyp, tájírıbelerímen bólísude. Negízgí spıker — Tszen Chjıgo, Guilin turızm unıversıtetíníń (QHR) oqytushysy. Halyqaralyq turızm, protokoldyq qyzmet kórsetu jáne gıdterdí dayarlau salasynda 20 jyldan astam tájírıbesí bar maman mádenıetaralyq kommunıkatsıya, halyqaralyq etıket jáne ekskursıyalyq jūmystardyń zamanauı ádísterí boıynsha sabaq júrgízedí. Oqytu ayaqtalǵannan keıín barlyq qatysushylarǵa sertıfıkattar tabystalady.
Bıylǵy jyly Mastercard málímetíne sáıkes, turısterdíń qanaǵattanu deńgeıí 75,08%-tí qūrap, ótken jylmen salystyrǵanda 6 punkttík ósímdí kórsettí. Būl megapolıstegí qyzmet sapasyn arttyru boıynsha júrgízílíp jatqan jūmystardyń ózektílígín rastaıdy. Atalmysh kurstar turısterge ūsynylatyn qyzmettí edáuír jaqsartyp, turıstík aǵynnyń ósuíne oń áser etedí.