Unıversıtetter Prezıdent aıqyndaǵan ózgerísterdíń belsendí qatysushysyna aınaluy tıís, dep habarlaıdy aqshamnews.kz tílshísí.
Almatyda joǵary oqu oryndarynyń prorektorlary Qazaqstan Respublıkasynyń Ūlttyq ǵylym akademıyasymen bírlesíp, Memleket basshysy Qasym-Jomart Toqaevtyń 28 qazanda jarıyalanǵan «Jańa tarıhı kezeńdegí Qazaqstannyń ózektí míndetterí» atty Joldauynyń negízgí baǵyttaryn talqylady. Kezdesude jańa ekonomıkaǵa qajettí mamandar dayarlau, ǵylymdy damytu, jasandy ıntellektíní engízu jáne qalanyń ózektí máselelerín sheshuge unıversıtetterdíń qatysuy basty nazarǵa alyndy.
Talqylau Almaty qalasy Jastar sayasaty basqarmasynyń basshysy Azız Kajdenbektíń qaladaǵy joǵary oqu oryndarynyń prorektorlarymen jáne ókílderímen kezdesuínde óttí. Qatysushylar Memleket basshysy aıqyndaǵan basymdyqtardy joǵary bílím beru júıesínde júzege asyru joldaryn jáne qazírgí eńbek naryǵynda sūranysqa ıe mamandardy dayarlau úshín qajettí ózgerísterdí qarastyrdy.
Joldaudaǵy negízgí basymdyqtardyń bírí ınfraqūrylymdy, energetıkany, tsıfrlyq ekonomıkany jáne joǵary tehnologıyalyq salalardy damytu boldy. Būl baǵyttar ınvestıtsıyalar men jańa óndírístík quattardy ǵana emes, zamanauı tehnologıyalarmen jūmys ísteı alatyn, ınnovatsıyalardy engízíp, naqty sheshímder ūsyna alatyn bílíktí kadrlardy da talap etedí.
Almaty qalasy Jastar sayasaty basqarmasynyń basshysy Azız Kajdenbek atap ótkendeı, unıversıtetter Prezıdent aıqyndaǵan ózgerísterdíń belsendí qatysushysyna aınaluy tıís.
«Búgínde joǵary oqu oryndarynyń aldynda dástúrlí bílím beru úderísíníń sheńberínen shyǵatyn mańyzdy míndetter tūr. Memleket basshysy ınfraqūrylymdy jańǵyrtu, energetıkany damytu, ekonomıkany tsıfrlandyru jáne jasandy ıntellektíní engízu boıynsha naqty basymdyqtardy belgíledí. Olardy júzege asyru úshín elímízge bílíktí ınjenerler, IT mamandary, zertteushíler men basqarushy kadrlar qajet. Sondyqtan unıversıtetter úshín tek túlekterdí dayarlau ǵana emes, bílím beru baǵdarlamalaryn ekonomıkanyń naqty qajettílíkteríne sáıkes qalyptastyru, qoldanbaly ǵylymdy damytu jáne jūmys berushílermen yntymaqtastyqty nyǵaıtu mańyzdy», – dedí Azız Kajdenbek.
Kezdesuge qatysushylar ǵylym men óndírístí yqpaldastyru máseleleríne de erekshe nazar audardy. Bílím beru salasy ókílderíníń píkírínshe, unıversıtetterde júrgízíletín ǵylymı zertteuler tájírıbede qoldanyluy tıís, al studentter oqu barysynda naqty jobalarǵa qatysu múmkíndígíne ıe boluy qajet.
Talqylauǵa qalanyń jetekshí joǵary oqu oryndarynyń, onyń íshínde ál-Farabı atyndaǵy Qazaq ūlttyq unıversıtetíníń, Q.I. Sátbaev atyndaǵy Qazaq ūlttyq tehnıkalyq zertteu unıversıtetíníń, Abaı atyndaǵy Qazaq ūlttyq pedagogıkalyq unıversıtetíníń, Halyqaralyq aqparattyq tehnologıyalar unıversıtetíníń jáne basqa da joǵary oqu oryndarynyń ókílderí qatysty.
Prezıdent aıqyndaǵan míndetter ınjenerlík kadrlardy dayarlaıtyn tehnıkalyq unıversıtetter úshín erekshe ózektí.
«Infraqūrylymdy auqymdy jańǵyrtu jáne energetıkany damytu zamanauı ınjenerlík qūzyretterge ıe mamandardy qajet etedí. Studentterdíń tek teorıyalyq bílím alyp qana qoımaı, qoldanbaly zertteulerge qatysuy, jańa tehnologıyalarmen jūmys ísteuí jáne óndírístíń naqty míndetterín túsínuí mańyzdy. Dál osyndaı dayarlyq jas mamandardyń el damuyna naqty úles qosuyna múmkíndík beredí», – dedí Q.I. Sátbaev atyndaǵy Qazaq ūlttyq tehnıkalyq zertteu unıversıtetíníń prorektory Sapar Shalabaev.
Talqylaudyń taǵy bír mańyzdy taqyryby tsıfrlyq transformatsıya boldy. Memleket basshysy óz Joldauynda tsıfrlyq sheshímderdí formaldy túrde engízuden naqty ekonomıkalyq jáne qoǵamdyq nátıje beretín tehnologıyalarǵa kóshu qajettígín atap óttí. Unıversıtetter úshín būl tek bolashaq baǵdarlamashylardyń ǵana emes, barlyq mamandyq studentteríníń tsıfrlyq qūzyretterín damytu qajettígín bíldíredí.
«Jasandy ıntellekt qazírdíń ózínde barlyq derlík saladaǵy mamandarǵa qoıylatyn talaptardy ózgertíp jatyr. Sondyqtan unıversıtetterdíń míndetí – studentterge tsıfrlyq qūraldardy paıdalanudy ǵana emes, ózderíníń tehnologıyalyq sheshímderín ázírleudí, aqparatpen synı tūrǵydan jūmys ísteudí jáne alǵan bílímderín tájírıbede qoldanudy úıretu. Būl rette bílím, ǵylym jáne bıznes arasyndaǵy ózara ís-qımyl mańyzdy ról atqarady», – dep tolyqtyrdy Halyqaralyq aqparattyq tehnologıyalar unıversıtetíníń prorektory Nūrjan Dúzbaev.
Azız Kajdenbek Almaty úshín unıversıtetter men qalalyq qūrylymdardyń ózara yntymaqtastyǵy erekshe mańyzǵa ıe ekenín de atap óttí. Búgínde megapolıste 36 joǵary oqu orny jūmys ísteıdí. Olarda 238 225 student bílím aluda. Onyń íshínde 158 myńǵa juyq student Qazaqstannyń basqa óńírlerínen kelgen.
«Almatynyń bílím beru jáne zıyatkerlík áleuetí óte joǵary. Almaty qalasynyń ákímí Darhan Satybaldy megapolıstí damytu barysynda jastar úshín jańa múmkíndíkter qalyptastyruǵa erekshe kóńíl bóledí. Osyǵan baılanysty bízdíń ortaq míndetímíz – jastardyń bílímí, bastamalary men ǵylymı ázírlemelerí qalanyń damuyna úles qosatyndaı jaǵdaı jasau. Ol úshín joǵary oqu oryndarynyń jūmys berushílermen baılanysyn nyǵaıtu, óndírístík tájírıbeden ótu múmkíndíkterín keńeıtu, qoldanbaly zertteulerdí qoldau jáne túlekterdí jūmyspen qamtu máselesíne erekshe nazar audaru qajet», – dep atap óttí Basqarma basshysy.
Prezıdent Joldauyn talqylaumen qatar, keńeste student jastarmen jūmysty ūıymdastyru, jataqhanalarda tūratyn basqa óńírlerden kelgen studentterdí tírkeu, sondaı-aq aldaǵy merekelík kúnder men qysqy demalys kezeńínde qauípsízdíktí qamtamasyz etu máselelerí qaraldy.
Kezdesu qorytyndysy boıynsha unıversıtetter, jūmys berushíler jáne qalalyq qūrylymdar arasynda júıelí yntymaqtastyq ornatu qajettígíne erekshe nazar audaryldy. Negízgí maqsat – Memleket basshysy aıqyndaǵan basymdyqtardy ís júzínde júzege asyru, mamandar dayarlau sapasyn arttyru jáne jastardyń Almaty qalasynyń áleumettík-ekonomıkalyq damuyna qatysu múmkíndíkterín keńeıtu.