Jobanyń negízíne qala turaly ánníń joldary alynǵan, dep habarlaıdy aqshamnews.kz tílshísí.
Būqar jyrau kóshesínen Tımıryazev kóshesíne deıíngí Esentaı jaǵalauynyń boıynda jańa qalalyq art-baǵyt jasalady.
Kádímgí sūr beton qabyrǵalardyń ornyna mūnda Almatyǵa arnalǵan jaǵalau boıyna sozylǵan kórkem kompozıtsıya paıda bolady.
Jobanyń negízíne qala turaly ánníń joldary alynǵan. Olar seruen baǵytynyń boıyna kezeń-kezeńímen ornalastyrylady. Shyǵarma jaǵalau boıymen júrgen saıyn bírtíndep kóríníp, tūtas bír hıkayaǵa aınalady. Al QR-kod arqyly ándí tyńdap, kompozıtsıyadan onyń mátíníndegí joldardy tauyp, art-baǵytty boılaı seruendeuge bolady.
Strıt-art nysany qozǵalys ústínde tamashalauǵa arnalǵan. Yaǵnı, jaǵalau boıymen júrgen saıyn kompozıtsıyanyń jańa bólígí ashylyp, kórkem hıkaya jalǵasa beredí.
Beton betterín bezendíru úshín syrtqy jūmystarǵa arnalǵan kásíbı qasbet boyauy jáne Arton arnaıy graffıtı boyauy paıdalanylady. Materıaldardy tańdauda olardyń aua raıyna tózímdílígí, túsín ūzaq saqtauy jáne jabynnyń beríktígí eskeríldí.
Joba jaǵalaudy kórkeıtu jūmystary sıyaqty demeushílík qarajat esebínen júzege asyrylady.