Ál-Farabı dańǵylynyń Esentai Mall sauda oıyn-sauyq ortalyǵy mańyndaǵy bólígínde jol qozǵalysyn ūıymdastyru syzbasy ózgerdí, – dep habarlaıdy aqshamnews.kz tílshísí.
Būl shara kólík qozǵalysyn rettep, jol qauípsízdígín arttyru jáne júrgízushílerdíń jolaqtardy retsíz auystyruyna jol bermeu maqsatynda qolǵa alyndy. Būl turaly qalalyq Jol qozǵalysyn ūıymdastyru jáne jolaushylar kólígí basqarmasynyń ókílderí habarlady.
Basqarmanyń málímetínshe, būǵan deıín sauda ortalyǵynan shyqqan júrgízushíler bírden kórshíles jolaqtarǵa auysa alatyn. Sonyń saldarynan bírneshe kólík qatar manevr jasap, sol jaq shetkí jolaqqa ūmtylatyn. Būl joldaǵy qozǵalystyń bayaulauyna jáne kólíkterdíń bírkelkí júrmeuíne sebep bolǵan.
Endí soltústík baǵytta Úshkempírov kóshesínen Esentaı ózeníne deıíngí aralyqta qozǵalys syzbasy retteldí. Sauda ortalyǵynan shyqqan kólíkterdíń bírden jolaq auystyruyna shekteu qoıylyp, būl bólíkte tūtas jolaq syzyqtary syzyldy.
Jańa tártíp bírneshe kólíktíń bír uaqytta manevr jasauyn azaıtyp, kólík sanyn jolaqtarǵa bírkelkí bóluge jáne osy uchaskedegí qozǵalysty jeńíldetuge múmkíndík beredí.
Júrgízushílerden qozǵalys syzbasyndaǵy ózgerísterdí eskeríp, jol belgílerí men jol tańbalarynyń talaptaryn saqtaudy jáne Qazaqstan Respublıkasynyń Jol qozǵalysy erejelerín basshylyqqa aludy sūraımyz.