Qazaqstannyń kórnektí memleket jáne qoǵam qaıratkerí, úsh márte Sotsıalıstík Eńbek Erí, dıplomat, akademık Dínmūhamed Ahmetūly Qonaevtyń tuǵanyna 114 jyl toluyna oraı Almaty qalasynda D. A. Qonaevtyń eskertkíshíne gúl shoqtaryn qoyu rásímí óttí.
Taǵzym etu sharasyna Almaty qalasy máslıhatynyń tóraǵasy Meıírjan Otynshıev, Almaty qalasy Mádenıet basqarmasynyń basshysy Danıyar Alıev, Halyqaralyq D. Qonaev qorynyń prezıdentí Eldar Qonaev, M. Áuezov muzeıíníń dırektory Dıyar Qonaev, Dínmūhamed Ahmetūlynyń qyzmettesterí men tuǵan-tuystary, memleket jáne qoǵam qaıratkerlerí, joǵary oqu oryndarynyń studentterí, sondaı-aq qala tūrǵyndary men qonaqtary qatysty.
Shara barysynda sóz sóılegen Eldar Asqarūly:
«Búgín Dínmūhamed Ahmetūly Qonaevtyń tuǵanyna 114 jyl tolyp otyr. Ol – elímízdíń damuy men qalyptasuyna ólsheusíz úles qosqan tarıhı tūlǵa. Onyń eren eńbegí men memleketshíl bolmysy Qazaqstan tarıhynda aıryqsha oryn alady», – dep atap óttí.
Sondaı-aq ís-shara ayasynda RMK «Ǵylym ordasy» akademıyasy atynan Dínmūhamed Ahmetūly Qonaevqa qatysty barlyq resmı qūjattar D. A. Qonaev muzeıíníń qoryna tabystaldy. Būl qūndy mūra ūly tūlǵanyń sayası, ǵylymı jáne qoǵamdyq qyzmetín tereńírek zerdeleuge múmkíndík beredí.
Sonymen qatar, sharaǵa jınalǵan qonaqtar úshín D. A. Qonaev muzeıí men memorıaldy páter-muzeıínde arnaıy ekskursıyalar ūıymdastyrylyp, muzeı qyzmetkerlerí Dínmūhamed Ahmetūlynyń ómír joly, el basqarudaǵy kemeńgerlígí men adamgershílík bolmysy turaly tyń derektermen bólístí.
Dínmūhamed Qonaev – halqynyń júregínen oryn alǵan, elíníń bolashaǵy úshín ayanbaı qyzmet etken bírtuar Ūly tūlǵa. Onyń parasatty sayasaty, qarapaıymdylyǵy men ádíldígí búgíngí ūrpaq úshín ónege, al esímí – qazaq halqynyń tarıhı jadynda máńgí óshpes jaryq jūldyz bolyp qala beredí.