Qazgıdromet sınoptıkterí 17, 18 jáne 19 qańtarǵa arnalǵan aua raıy boljamyn ūsyndy, - dep habarlaıdy aqshamnews.kz tílshísí.
Sınoptıkter boljamy boıynsha, demalys kúnderí Síbír aumaǵynda ornalasqan ortalyǵy bar keń auqymdy antıtsıklon Qazaqstannyń soltústík jáne shyǵys óńírlerínde ayazdy aua raıyn saqtap tūrady. Al respublıkanyń batysy men ońtústígínde aua raıyna ońtústík tsıklon jáne onymen baılanysty atmosferalyq fronttyq bólíkter áser etedí.
Būl óńírlerde jauyn-shashyn (negízínen qar túrínde), būrqasyn, jeldíń dauyldy deńgeıge deıín kúsheyuí, sondaı-aq kóktaıǵaq qūbylystary túríndegí qolaısyz meteorologıyalyq jaǵdaılar kútíledí.
"17–18 qańtarda Túrkístan, Jambyl jáne Almaty oblystarynyń jekelegen audandarynda qatty jauyn-shashyn boljanady. Jańa aptanyń basynda respublıkanyń soltústígíne, soltústík-batysyna jáne ortalyǵyna kezektí soltústík-batys tsıklon yǵysyp, qar men būrqasyn ákeledí, sondaı-aq atalǵan óńírlerde aua temperaturasynyń bírtíndep joǵarylauy kútíledí. Respublıka boıynsha tūman túsedí dep boljanady", - delíngen habarlamada.