Almatynyń Qala qurylysyn baqylaý basqarmasy «Buta Legend» turǵyn úı keshenin salýǵa qatysy bar barlyq tarapqa - tapsyrys berýshi «Buta Legend» JSHS, merdiger «Buta Group» JSHS, avtorlyq qadaǵalaý júrgizýshi «BNK ArhProekt» JSHS jáne tehnıkalyq qadaǵalaýshy «Ekspertnyı dom» JSHS-ne jospardan tys tekseris júrgizdi, - dep habarlaıdy Aqshamnews.kz.
Bul týraly Almaty ákiminiń keńesshisi Ilzat Akchýrın óziniń Telegram kanalynda jazdy.
Nysanda kóriktendirý jáne kógaldandyrý jumystary aıaqtalmaǵan, 3, 5, 6, 7, 8, 9 bloktarda ishki árleý jumystary bitpegen, jedelsatylar ornatylmaǵan, jylý jáne ystyq sý júıeleri qosylmaǵan.
Anyqtalǵan buzýshylyqtarǵa baılanysty 2025 jyly 21 qazanda basqarma «Buta Legend» turǵyn úı keshenin salýǵa qatysqan barlyq tarapqa QR ÁQBtK-niń 318-babyna sáıkes ákimshilik shara qoldandy, sondaı-aq tapsyrys berýshi men merdigerge atalǵan buzýshylyqtardy joıý boıynsha nusqama berildi.
Qazirgi tańda ınjenerlik jeliler boıynsha barlyq qajetti daıyndyq aktileri alynǵan. Jylý, sý jáne elektrmen jabdyqtaý ınfraqurylymy qosylyp, qalypty rejımde jumys istep tur. Jedelsaty jabdyqtaryn ornatý jáne kóriktendirý boıynsha jumystar jalǵasyp jatyr.
Osylaısha, qazirgi tańda turǵyndar páterine jóndeý jumystaryn kedergisiz bastaı alady.