Almatyda tórt jasar búldírshínge zábír kórsetken tárbıeshí sottaldy. "Ahlyak" dep atalatyn jekemenshík balabaqshanyń qyzmetkerí kínásín tolyq moıyndap, qatty ókínetínín aıtyp, keshírím sūrady. Endí ol 4 jylǵa bas bostandyǵynan aıyrylyp, on jyl boıy balalarmen jūmys ísteuge tyıym salyndy, - dep habarlaıdy Aqshamnews.kz tílshísí "KTK" telearnasyna sílteme jasap.
Qylmystyq ís "Azaptau" baby boıynsha qaraldy. Prokuror aıyptalushyny 6 jylǵa bas bostandyǵynan aıyrudy sūraǵan. Tárbıeshí kínálí dep tanylyp, sot zalynda qamauǵa alyndy. Ol endí qauípsízdígí ortasha túzetu mekemesíne tórt jylǵa attanady. Jábírlenushíníń otbasyna materıaldyq ótemaqy tóleuge de míndetteldí.
Eske salaıyq, aqpanda áleumettík jelíde taraǵan beınejazba jūrttyń jaǵasyn ūstatqan edí. Onda bóbekjaı qyzmetkerí balany tūnshyqtyryp, jerde súırep bara jatqany anyq kóríngen. Aıta keteıík, būl mekeme resmı bazada tírkelmegen, lıtsenzıyasyz jūmys ístep kelgen jekemenshík mekeme bolǵan.
"Sot sheshímímen tolyq kelísem. Būl tek meníń balama emes, búkíl balabaqshalardaǵy balalarǵa qatysty. Qazír balalarǵa qatysty zorlyq-zombylyq, qorlau jıílep kettí. Soǵan baılanysty būl báríne sabaq bolsa deımín", - deıdí balanyń ákesí Abylaı Rahatov.
