İs-sharaǵa prokýratýranyń qyzmetkerleri men jeke sot oryndaýshylarynyń óńirlik palatasynyń sot oryndaýshylary tartylǵan.
Almatyda «Boryshker» sharasy ótip jatyr, dep habarlaıdy Almaty-akshamy.kz Polisia.kz-ke silteme jasap.
«Quqyqbuzýshylyqqa múldem tózbeýshilik» qaǵıdasyn qamtamasyz etý, jasalǵan quqyqbuzýshylyq úshin jazanyń bultartpastyǵyn jáne salynǵan ákimshilik aıyppuldardy óndirýdiń tıimdiligin arttyrý maqsatynda Almaty polısıasy «Boryshker» jedel aldyn alý is-sharasyn ótkizip jatyr. Avtokólikter aǵyny qarqyndy jerlerde jol polısıasynyń avtoekıpajy jumyldyrylǵan. Avtomattandyrylǵan aqparattyq júıelerdiń múmkindikteri de keńinen qoldanylady, onyń ishinde «Qorǵaý – Qaýipti júrgizýshi» salynǵan ákimshilik aıyppuldar boıynsha bereshegi bar boryshkerlerdi avtomatty túrde esepteıdi.
«İs-shara shekteý qoıylǵan adamdar men kólik quraldaryn, sondaı-aq ákimshilik quqyqbuzýshylyq týraly is boıynsha zańmen belgilengen merzimde oryndalmaǵan qaýlylary bar boryshkerlerdi erikti túrde anyqtaýǵa baǵyttalǵan. Sodan keıin tártip buzýshynyń kóligi mamandandyrylǵan aıyppul turaǵyna ornalastyrylady. Kelgen jeri boıynsha Qazaqstan Respýblıkasynyń ÁQBtK-ge sáıkes tárkileý hattamasy jasalady. Ustalǵan kólik quralyn aıyppul turaǵynan shyǵarý aıyppuldardy tolyq ótegen kezde ǵana júzege asyrylady», – dedi Almaty qalalyq PD Jergilikti polısıa qyzmeti basqarmasynyń bastyǵy Erjan Uzabaev.
Almaty polısıasy jol qozǵalysy erejesin buzǵany úshin tólenbegen aıyppuldary bar azamattarǵa úndeý joldap, zańdy mindetterin oryndamaǵan jaǵdaıda materıaldar óndirip alý úshin jeke sot oryndaýshylarynyń óńirlik palatasyna jiberiletinin eskertedi.