Almatyda Balalardy qorǵau kúníne oraı tegín medıtsınalyq tekseruler men keńester ótedí, – dep habarlaıdy aqshamnews.kz tílshísí.
Halyqaralyq balalardy qorǵau kúníne oraı Almatydaǵy barlyq medıtsınalyq mekemede balalar men jasóspírímderdíń densaulyǵyn nyǵaıtuǵa, salauatty ómír saltyn nasıhattauǵa jáne túrlí aurulardyń aldyn aluǵa arnalǵan ashyq esík kúnderí ótedí. Būl turaly Almaty qalalyq Qoǵamdyq densaulyq saqtau basqarmasynyń ókílderí habarlady.
Búldírshínder men olardyń ata-analaryna pedıatr, stomatolog, travmatolog, ınfektsıonıst, nevropatolog, LOR dárígerí, akusher-gınekolog jáne ózge de salalyq mamandar tegín keńes beredí. Ís-sharalarǵa jetekshí sarapshylar, ǵylymı qyzmetkerler jáne shtattan tys bas mamandar qatysady.
Sonymen qatar, qaladaǵy medıtsınalyq ūıymdarda profılaktıkalyq jáne aqparattyq-túsíndíru sharalary, ata-analar men jasóspírímderge arnalǵan píkír almasu alańdary, suret baıqaulary men mádenı-kópshílík baǵdarlamalar ūıymdastyrylady. Būl bastamaǵa salauatty ómír saltyn qalyptastyru ortalyqtary men Jastar densaulyq ortalyqtary da atsalysady.
Ásírese, erekshe qajettílígí bar balalar men dıspanserlík esepte tūrǵan balalarǵa erekshe kóńíl bólínedí. Olar úshín keńestík kómektíń qoljetímdílígí keńeıtílíp, erekshe qajettílígí bar balalarǵa úı jaǵdaıynda kóshpelí medıtsınalyq tekseruler júrgízíledí.
Ís-sharalardyń basty maqsaty — balalar men jastar arasynda fızıkalyq, psıhıkalyq jáne reproduktıvtík densaulyqqa qarau mádenıetín qalyptastyru.
Ashyq esík kúnderíníń tolyq baǵdarlamasymen tūrǵyndar Almatydaǵy medıtsınalyq ūıymdardyń resmı saıttary men áleumettík jelídegí paraqshalarynan, sondaı-aq emdeushí dárígerlerínen bíle alady.