Almaty tau klasterí kásípkerlíkke jańa serpín beredí, – dep habarlaıdy aqshamnews.kz tílshísí.
Almatydaǵy tau klasterín damytu jobasy shaǵyn jáne orta bızneske tyń múmkíndík ashyp, qalany jyl boıy turıst tartatyn halyqaralyq ortalyqqa aınaldyruy múmkín. Būl turaly Almaty qalasy Kásípkerler palatasy óńírlík keńesíníń tóraǵasy Maqsat Qıqymov Almaty Super Ski jobasyna arnalǵan qoǵamdyq tyńdauda málímdedí. Onyń aıtuynsha, bıznes qauymdastyǵy Almaty tau klasterín júıelí túrde damytu bastamasyn tolyq qoldaıdy. Joba tek turıstík ınfraqūrylym salumen shektelmeı, zamanauı servıstík ekonomıkany qalyptastyruǵa baǵyttalǵan.
«Almaty tau klasterí – ekonomıkany damytatyn quatty qozǵaushy kúsh, jańa jūmys oryndarynyń kózí jáne otandyq shaǵyn jáne orta bıznes úshín ūzaqmerzímdí draıver», – dedí ol.
Maqsat Qıqymovtyń sózínshe, joba ekonomıkaǵa multıplıkatıvtí áser beríp, bírneshe salanyń damuyna serpín jasaıdy. Ásírese, qonaqúı, meıramhana, sauda jáne qyzmet kórsetu nysandary qazaqstandyq ónímderge tūraqty sūranys qalyptastyrady. Būl fermerlík azyq-túlík, jıhaz, toqyma, qūrylys materıaldary men jergílíktí óndírís tauarlarynyń damuyna jol ashady.
Búgín bíz Almatynyń aldaǵy ondaǵan jyldaǵy ekonomıkalyq bolashaǵyn aıqyndaıtyn mańyzdy joba turaly aıtyp otyrmyz. Almaty Super Ski – Almatyny Ortalyq Azıyadaǵy eń írí turıstík, ískerlík jáne ınvestıtsıyalyq ortalyqtardyń bíríne aınaldyruǵa baǵyttalǵan auqymdy strategıyalyq bastama.
Joba ayasynda salynatyn nysandar qazaqstandyq ónímderge tūraqty sūranys qalyptastyrady. Atap aıtqanda, azyq-túlík, jıhaz, toqyma, qūrylys materıaldary jáne jergílíktí óndírís tauarlaryn óndírushíler úshín jańa múmkíndík ashylady. Sonymen qatar jobanyń áleumettík-ekonomıkalyq áserí de zor. Myńdaǵan jańa jūmys orny ashylyp, ílespe salalardaǵy jūmyspen qamtu deńgeıí artady. Salyq túsímderí kóbeıíp, qalalyq ınfraqūrylym damyp, Almatynyń ınvestıtsıyalyq tartymdylyǵy kúsheıe túsedí.
Búgínde Almatynyń álemdík deńgeıdegí zamanauı tau kurortyna árí jyl on ekí aı turıst qabyldaıtyn halyqaralyq destınatsıyaǵa aınaluǵa tolyq múmkíndígí bar.
Qoǵamdyq tyńdau barysynda kásípkerlermen ótken kezdesuler de mysal retínde aıtyldy. 2023 jyly Aqtau men Atyraudaǵy mūnaı servısí salasynyń írí kompanıyalarymen kezdesude kásípkerler Qazaqstan ekonomıkasynyń negízgí draıverí álí de mūnaı bolyp otyrǵanyn atap ótken. Alaıda mūnaı óndírudíń kúrdelene túsuí men shyǵyndardyń artuy ekonomıkany ártaraptandyrudyń mańyzyn kórsetíp otyr.
Osyǵan baılanysty qazír kreatıvtí ındustrıya men turızmdí damytuǵa basymdyq beru qajet ekení aıtyldy. Almaty elímíz ekonomıkasynyń eleulí bólígín qalyptastyratyn megapolıs bolǵandyqtan, qalaǵa halyqaralyq turısterdí kóptep tartatyn jańa jobalar asa mańyzdy.
Búgínde Almatyda 70-ten astam ınvestıtsıyalyq joba júzege asyrylyp jatyr. Erteń būl qonaqúılerge, meıramhanalarǵa jáne servıstík nysandarǵa tūraqty turıstík aǵyn qajet bolady. Sondyqtan Almaty Super Ski sekíldí írí jobalar kásípkerlerge tabys tabuǵa, salyq tóleuge jáne jańa jūmys oryndaryn ashuǵa múmkíndík beredí.
Spıkerdíń aıtuynsha, būl joba – tek búgíngí emes, bolashaq ūrpaqtyń da ıgílígí úshín jasalyp jatqan bastama. Sonymen qatar jobany júzege asyru barysynda qoǵammen jáne kásípkerlermen ashyq baılanys ornatyp, olardyń ūsynystary men píkírlerín eskeru mańyzdy ekení aıtyldy.
Jıynda jobanyń jetekshíleríníń tájírıbesíne de toqtaldy. Tau shańǵysy ınfraqūrylymy men turızm salasyndaǵy tájírıbe mūndaı kúrdelí jobany íske asyruda mańyzdy ról atqaratyny aıtyldy. Qazírgí tehnologıyalardyń damuy men zamanauı ınfraqūrylym múmkíndíkterí de jobany jańa deńgeıde júzege asyruǵa jol ashpaq.
Spıker sóz sońynda Almaty Super Ski jobasy Almaty tau klasterín damytatyn, kásípkerlíkke serpín beretín jáne qalanyń ekonomıkalyq áleuetín kúsheıtetín mańyzdy bastama ekenín atap óttí. «Būl – myqty ekonomıkaǵa, quatty bızneske jáne jańa múmkíndíkterge bastaıtyn jol», – dedí Maqsat Qıqymov.