Tau klasteríne qatysty bírneshe ekologıyalyq mıf joqqa shyǵaryldy, – dep habarlaıdy aqshamnews.kz tílshísí.
Almaty Super Ski jobasyn qoǵamdyq talqylau barysynda qoǵam qaıratkerí Mūhtar Taıjan píkír bíldírdí. Ol joba ayasyndaǵy alyp-qashpa sózderge toqtalyp, olardyń negízsíz ekenín aıtty.
- Būl joba alǵash ret 2013 jyly talqylanǵan bolatyn. Ókíníshke qaraı, osy uaqyt íshínde bíz taularymyzdy retke keltíruge, abattandyruǵa kírísken joqpyz. Al būl áreketsízdík nege ákep soqtyrdy? Bírínshíden, adam ólímí tírkeldí, jaraqat alu, qoqystyń úıílíp qaluy jıíledí, tau soqpaqtary taptalyp, aǵash tamyrlary ashylyp qaldy, – dedí ol.
Onyń aıtuynsha, tauly aımaqqa tūrǵyn úı keshení salynady degen qaueset qoǵamda jıí talqylandy. Bíraq «Íle-Alatau» ūlttyq parkíníń ıelígínde qalady jáne erekshe qorǵalatyn tabıǵı aumaq mártebesín saqtaıdy. Sondyqtan zań júzínde ol jerge eshkímníń tūrǵyn úı keshenín saluǵa eshqandaı qūqyǵy joq.
- Taǵy bír másele – «bárín ūrlap-talap ketedí» degen sıyaqty sózder aıtyluda. Men ekonomıst retínde aıtaıyn, būl aqsha nesıe negízínde bólínedí. Demek, míndettí túrde qaıtarylady. Kelesí mıf – ol jaqta «qar az bolady» degen uáj. Bízdíń taulardan 1 shaqyrym tómen árí ońtústíkke qaraı ornalasqan «Ámírsoıda» búkíl mausym boıy esh qıyndyqsyz shańǵy teuíp jatyr. Ázírbaıjandaǵy «Shahdag» keshení de dál solaı. Típtí Saud Arabıyasynyń ózí aptap ystyq shól dalada tau-shańǵysy kurorttaryn salyp jatyr. Búgíngí tehnıka men zamanauı tehnologıyalar būǵan tolyq múmkíndík beredí, – dedí ol.