2026 jyldyń segíz aıynda Almatyda jolaushylar kólígí júrgízushíleríníń kínásínen 335 jol-kólík oqıǵasy oryn aldy, – dep habarlaıdy aqshamnews.kz tílshísí.
Jyl basynan berí qoǵamdyq kólík júrgízushílerí 13 myń ret jol erejesín būzǵan. Olardyń basym bólígí jyldamdyqty asyrumen baılanysty.
Almaty qalalyq Polıtsıya departamentí qaladaǵy qoǵamdyq kólíktíń rūqsat etílgen jyldamdyǵyn saǵatyna 50 shaqyrymǵa deıín shekteudí ūsynyp otyr, dep habarlaıdy Kursiv Media.
Jyl basynan berí polıtsıya jol jyldamdyǵyn asyruǵa qatysty 1 704 derek tírkedí. Taǵy 1 591 ret júrgízushíler baǵdarshamnyń tyıym salynǵan túsíne ótíp ketken.
Būdan bólek, 51 ret rólde otyryp telefon paıdalaǵan, oǵan qosa onshaqtyshopyr jayau júrgínshílerge jol bermegen.
Sonymen bírge 2026 jyldyń basynan berí avtomatty tírkeu kameralary 127 730 zańbūzushylyqty anyqtaǵan. Patruldík polıtsıya qyzmetkerlerí taǵy 223 ákímshílík hattama toltyrdy.
2026 jyldyń segíz aıynda Almatyda jolaushylar kólígí júrgízushíleríníń kínásínen 335 jol-kólík oqıǵasy oryn aldy: tórt adam qaza tauyp, 421 adam túrlí jaraqat aldy. Al 2025 jyly osyndaı 438 apat tírkelgen edí. Ol kezde jetí adam qaza tauyp, 537 adam zardap shekken.