Almaty qalasynda 16 qańtarda Jambyl atyndaǵy qalalyq jasóspirimder kitaphanasy bazasynda AQSH Elshiligi men AQSH-tyń Bas konsýldyǵynyń qoldaýymen, sondaı-aq jergilikti uıymdarmen seriktestikte qurylǵan «American Space & Makerspace» jańa mádenı-bilim berý ortalyǵy saltanatty túrde ashylady, - dep habarlaıdy Aqshamnews.kz.
Ashylý rásimine AQSH-tyń Almatydaǵy Bas konsýly Mıshel Erkin, bilim berý uıymdarynyń ókilderi, sondaı-aq mádenıet salasynyń belgili qaıratkerleri qatysady.
İs-shara aıasynda qonaqtar úshin ortalyqtyń negizgi baǵyttaryn tanystyratyn sholý ekskýrsıasy uıymdastyrylady. Onda AQSH ýnıversıtetterinde oqýdy josparlap júrgen stýdentterge arnalǵan keńester, aǵylshyn tili kýrstary men sóılesý klýbtary, kásibı jáne sıfrlyq daǵdyny damytýǵa arnalǵan vorkshoptar, sondaı-aq kásipkerlik, kóshbasshylyq jáne azamattyq belsendilik baǵdarlamalary usynylady. Sonymen qatar qonaqtarǵa Makerspace aımaǵynyń múmkindikteri — 3D-basyp shyǵarý jáne dızaın, robototehnıka, baǵdarlamalaý, ǵylymı eksperımentter men qoldanbaly shyǵarmashylyq tanystyrylady.