Almatyda Qazaqstandaǵy alǵashqy krematorıı jūmysyn bastady. Jańa nysan qalalyq ınfraqūrylymnyń bír bólígíne aınalyp, Qoǵamdyq densaulyq saqtau basqarmasyna qarasty «Qalalyq patologoanatomıyalyq byuro» ShJQ KMK teńgerímíne beríldí, – dep habarlaıdy aqshamnews.kz tílshísí.
Krematsıya endí dástúrlí jerleuge balama retínde ūsynylyp otyr. Būl tūrǵyndarǵa mádenı, dínı jáne jeke tańdauyna saı sheshím qabyldauǵa múmkíndík beredí.
Keshen Chehıyada jasalǵan zamanauı jabdyqtarmen jabdyqtalǵan. Mūnda kópsatyly súzgí júıesí bar ekí krematsıyalyq pesh ornatylǵan. Ekí kameraly tehnologıya tútín gazdaryn tolyq janyp ketuín qamtamasyz etíp, zıyandy shyǵaryndylardy azaıtady, ıís pen kózge kórínetín tútínníń taraluyna jol bermeıdí.
Bír krematsıya rásímí shamamen ekí saǵatqa sozylady. Qajettí temperaturaǵa deıín qyzdyru úderísí 35 saǵatqa deıín uaqyt alady, al tolyq júkteme kezínde ár pesh táulígíne 8 krematsıyaǵa deıín oryndaı alady.
Krematsıya rásímí qatań reglamenttelgen jáne tolyq qūjattar paketí bolǵan jaǵdaıda máıíttí qabyldau, míndettí sáıkestendíru, krematsıya júrgízu, kúldí óńdeudí jáne tuystaryna tapsyrudy qamtıdy. Árbír qadam arnaıy baqylaumen jáne qūjatpen rásímdeledí.
Krematorııde krematsıyadan bólek, kúl salynǵan qūtyny beríp, qoshtasu rásímderín ótkízuge arnalǵan zaldar qarastyrylǵan. Sondaı-aq, tuystary arnaıy bólmeden rásím barysyn baqylaı alady.
Mekeme qyzmetkerlerí shetelde arnaıy oqytudan ótken. Máıíttermen jūmys ísteu sanıtarlyq talaptar, kásíbı etıkany jáne qūrmet qaǵıdattary qatań saqtalady.
Krematorııdíń íske qosyluy Qazaqstanda rıtualdyq qyzmetterdíń zamanauı árí ekologıyalyq baǵytta damuyna jasalǵan mańyzdy qadam bolyp otyr.