Aldyn ala íríkteudíń bírínshí raundyna tórt topqa bólíngen 18 ūlttyq qūrama qatysady, dep habarlaıdy aqshamnews.kz tílshísí.
26-31 tamyz aralyǵynda Almatydaǵy Baluan Sholaq atyndaǵy Sport saraıynda qala ákímdígíníń qoldauymen FIBA Azıya kubogy – 2029 turnıríníń aldyn ala íríkteu kezeńí bírínshí raundynyń V tobyndaǵy matchtary ótedí. Qazaqstan 2029 jylǵy turnırge qatysushylardy anyqtaıtyn jańartylǵan íríkteu júıesíníń bastapqy kezeńíndegí oıyndardy alǵash ret qabyldap otyr. Būl turaly qalalyq sport basqarmasynyń ókílderí aıtty.
Almaty osy raundtyń matchtary ótetín Ortalyq Azıyadaǵy jalǵyz qala bolmaq. Dál osy kezeńníń matchtary Dubaıda (BAÁ), Serembanda (Malaızıya) jáne Ūlan-Batyrda (Mońǵolıya) da ūıymdastyrylady. Aldyn ala íríkteudíń bírínshí raundyna tórt topqa bólíngen 18 ūlttyq qūrama qatysady.
Almatyda Qazaqstan qūramasy Palestına, Shrı-Lanka, Maldıv araldary jáne Qyrǵyzstan komandalarymen kezdesedí. Turnır aınalmaly júıe boıynsha ótíp, toptaǵy úzdík úsh qūrama aldyn ala íríkteudíń ekínshí raundyna joldama alady.
Būl turnır Qazaqstan qūramasyna toptyq kezeńdegí barlyq kezdesuín óz alańynda, jankúıerleríníń qoldauymen ótkízuge múmkíndík beredí.
Ekínshí raundtyń qorytyndysy boıynsha FIBA Azıya kubogy – 2029 turnıríníń íríkteu kezeńínde jarysty jalǵastyratyn komandalar anyqtalady. Būl kezeńde olarǵa 2025 jyly Jıddada ótken turnırge qatysqan 16 qūrama qosylady.
Qazaqstan qūramasy 1992 jyldan berí qūrlyqtyq deńgeıdegí jarystarǵa qatysyp keledí. Komandanyń úzdík nátıjesí – 2007 jylǵy Azıya chempıonatyndaǵy tórtínshí oryn. Sol jarysta qazaqstandyqtar jartylaı fınalǵa deıín jettí. Aldyńǵy íríkteu kezeńínde ūlttyq qūrama Úndístan men Katardy jeńgenímen, 2025 jylǵy Azıya kubogynyń fınaldyq kezeńíne shyǵa almady.
Almatyda aldyn ala íríkteu matchtarynyń ótuí qalanyń halyqaralyq basketbol baǵytyndaǵy bastamalarynyń jalǵasy bolmaq. Būǵan deıín Almatyda Ortalyq Azıya basketbol qauymdastyǵy Úılestíru keńesíníń otyrysy ótken, al Qazaqstan ókílderí FIBA Asia qūrylymdarynyń jūmysyna qatysyp keledí.
Turnır jas sportshylar men studentterge halyqaralyq deńgeıdegí basketbol básekesín tíkeleı tamashalauǵa múmkíndík beredí. Elímízde alty óńírdíń jas basketbolshylaryn qamtıtyn NBA Kazakhstan baǵdarlamasy, sondaı-aq Ūlttyq studenttík basketbol lıgasy jūmys ísteıdí, dep túsíndírdí Almaty qalasynyń Sport basqarmasynyń ókílderí.