Almaty ákímdígí qalalyq ortany abattandyruǵa áleumettík jauapty bıznestí tartu baǵytynda júıelí jūmysty jalǵastyryp keledí. Joba ayasynda «Tselınnyı» zamanauı mádenıet ortalyǵynyń janyndaǵy Ahmet Baıtūrsynūly atyndaǵy skverdí jańartu jūmystary bastalady.
Bastamaǵa «ATTs-Galereya» JShS-gí qoldau bíldíríp, barlyq jūmysty óz qarajaty esebínen qarjylandyrady.
Abattandyru jūmystary zamanauı jáne tabıǵatqa zıyan keltírmeıtín ekologıyalyq ádíster arqyly júrgízíledí. Barynsha tabıǵı landshaft pen qoldanystaǵy jasyl jelek saqtalyp, aumaq kógaldandyrylady. Jaıly jayau júrgínshíler joldary salynyp, shaǵyn sáulet píshínderí men zamanauı energıya únemdeıtín jaryqtandyru júıesí ornatylady. Sondaı-aq, demalysqa arnalǵan jaıly aımaqtar ūıymdastyrylyp, sudy únemdep paıdalanudy ıntellektualdy túrde baqylaıtyn avtomatty suaru júıesí qosylady.
A.Baıtūrsynūly atyndaǵy skverdí abattandyru jobasy onyń tarıhı mańyzyn saqtaı otyryp, taza auada seruendep, tynyǵyp, emín-erkín júzdesuge jaıly orta qalyptastyrudy maqsat etedí.
Joba júzege asqannan keıín aumaqtyń ekologıyalyq jaǵdaıy jaqsarady: shudyń jáne jylu júktemesíníń deńgeıí tómendep, aua sapasy artady, tabıǵı tepe-teńdík saqtalady. Almaty qalasynyń ákímdígí qoǵamdyq keńístíkterdí damytudy jalǵastyra otyryp, tūrǵyndar úshín jaıly ortasyn qūruǵa jalǵastyrady.