Almaty qalasyndaǵy Keńes Odaǵynyń Batyry, gvardıya polkovnıgí Bauyrjan Momyshūly atyndaǵy 5571 áskerı bólímínde elímízdíń túkpír-túkpírínen shaqyrylǵan 600-den asa merzímdí áskerı qyzmetshíníń Ant qabyldau rásímí óttí.
Jas sarbazdar Qaruly Kúshterdíń qataryna qabyldana otyryp, Otan aldyndaǵy paryzyn adal atqaruǵa saltanatty túrde sert berdí. Áskerı ant ár sarbazdyń jeke qol qoyuy arqyly rásímdelíp, olardyń áskerı boryshyna degen jauapkershílígín aıqyndaı tústí.
Ūlttyq ūlannyń dástúríne saı ótkízílgen rásímge áskerı bólímníń ardagerlerí, sarbazdardyń ata-analary men tuǵan-tuystary, “Sarbaz analary” komıtetíníń ókílderí, būqaralyq-aqparat qūraldarynyń ókílderí qatysty.
Ís-sharaǵa kelgen ata-analar da erekshe áserímen bólístí. Solardyń bírí Mańǵystau oblysynan kelgen Perızat Shekerbekova: «Ūlymnyń búgín Otanǵa adal qyzmet etuge ant bergenín kóríp, júregím tolqydy. Balamnyń er jetíp, elge qorǵan bolatyn azamat bolǵanyna maqtanamyn. Bárí aman bolsyn, el tynysh bolsyn», — dedí.
Saltanatty rásímnen keıín ant qabyldaǵan jas sarbazdar da oıyn ortaǵa saldy.
Solardyń bírí qatardaǵy jauynger Erkebūlan Keldíbaev:
«Áskerı forma kıíp, Otan aldynda ant beru — árbír jígíttíń ómíríndegí eń jauapty kúnderdíń bírí dep oılaımyn. Endí bízge artylǵan senímdí aqtap, el tynyshtyǵyn qorǵau úshín ayanbaı qyzmet etemíz», — dedí.
Ant qabyldaǵan soń, jas sarbazdar ekí apta boıy jauyngerlík qyzmetke beıímdelíp, Almaty qalasynyń tynyshtyǵyn qamtamasyz etuge baǵyttalǵan míndetterdí meńgeredí. Alǵashqy on kúnde olar qoǵamdyq tártíp pen qauípsízdíktí saqtaudyń qyr-syryn teorıyalyq túrde oqyp-úıreníp, keıín tájírıbelík mashyqtan ótedí. Arnaıy synaqtan súrínbeı ótken sarbazdar jauyngerlík qyzmettí derbes atqaruǵa jíberíledí.
Aıta keteıík, 1992 jyly Qazaqstan Respublıkasy Prezıdentíníń Jarlyǵymen qūrylǵan Íshkí ásker, qazírgí Ūlttyq ūlan búgínde qala kósheleríndegí qoǵamdyq tártíptí saqtau, qylmys pen terrorızmge qarsy kúres, memlekettík mańyzdy nysandardy jáne túzeu mekemelerín kúzetu, sottalǵandardy aıdauyldau sıyaqty mańyzdy míndetterdí abyroımen oryndap keledí.
Ís-shara sońynda myńǵa juyq áskerıler men áskerı orkestr Abaı Qūnanbaıūlynyń 180 jyldyǵyna arnap, «Kózímníń qarasy» ánín hormen oryndap, Shymkent qalasyndaǵy 6506 áskerı bólímíne chellendj joldady.