Almatyda jyl basynan beri 570 myńnan astam jastyń basyn qosqan 500-den asa ekologıalyq is-shara uıymdastyryldy. Bul týraly qalanyń Jastar saıasaty basqarmasynyń ókilderi habarlady.
30 maýsym men 30 qyrkúıek aralyǵynda barlyq aýdanda kóshpeli «EcoQala Fest» festıvali ótip, oǵan 6 myńnan astam jas qatysty. Al #TazaSnap, #EcoSortChallenge jáne #EcoStyleDay atty onlaın chellendjge 7 myńnan astam adam qosyldy.
Jastar jańa formattaǵy jobalarǵa belsendi qatysqan: «Jastar Talks» atty taqyryptyq podkastqa 500 erikti atsalyssa, «EcoBaqylaý» reıdteri barysynda sanıtarlyq normany buzǵan 800-den asa jaǵdaı men 45 ruqsatsyz qoqys orny anyqtaldy. Sondaı-aq, 28 iri senbilik pen 100-ge jýyq arnaıy ekologıalyq aksıa uıymdastyryldy.
«Taza Qazaqstan» aksıasy aıasynda stýdentter, belsendiler men komúnıtı ortalyqtardyń rezıdentteri plasık qaldyq jınap, art-nysandar jasap, 14 myńnan astam plasık qaqpaqtan oryndyqtar jasady. Sonymen qatar jas sýretshiler arasynda ekologıa taqyrybynda baıqaýlar, ekologtarmen kezdesýler, JOO-da dárister, pikirtalastar men chellendjter ótip, 12 myńnan astam jasty qamtydy.
Atqarylǵan jumystar nátıjesinde 120 gektardan astam jer tazartylyp, 200 tonnadan asa qoqys jınaldy. Bul ıgi bastama qalanyń sanıtarlyq jaǵdaıyn jaqsartyp, jastar arasynda ekologıalyq mádenıettiń damýyna yqpal etti.