Almatyda Tūraqty damu úshín eríktílerdíń halyqaralyq jyly ayasynda eríktíler qozǵalysyn damytyp, 2030 jylǵa deıíngí jańa Tūjyrymdamany qalyptastyruǵa baǵyttalǵan bírneshe ís-shara ótíp jatyr, – dep habarlaıdy aqshamnews.kz tílshísí.
Talqylauǵa memlekettík organdardyń, úkímettík emes jáne halyqaralyq ūıymdardyń ókílderí men eríktílerdíń ózderí de qatysty. Būl turaly Óńírlík kommunıkatsıyalar qyzmetínde eríktíler ūıymynyń ókílderí habarlady.
«Ūlttyq eríktíler jelísí» zańdy tūlǵalar bírlestígíníń atqarushy dırektory Tatyana Mıronyuktyń aıtuynsha, sońǵy jyldary Qazaqstanda eríktílerdíń deńgeıí ósíp, olar azamattyq qoǵamnyń mańyzdy bólígíne aınalǵan.
«Volonterlík ūıymdardyń sany 2020 jyly 224-ten byltyr 810-ǵa deıín tórt esedeı óstí Sonymen qatar eríktílerdíń sany da aıtarlyqtaı artty. 2020 jyly shamamen 50 myń belsendí qatysushy bolsa, búgínde olardyń sany 300 myńnan asty. Būl alty eseden astam ósím. Jyl saıyn elímízde 60 myńnan astam eríktí jūmysqa tartylady», - dedí Tatyana Mıronyuk.
Onyń aıtuynsha, salany damytu óńírlermen áríptestíkke, halyqaralyq yntymaqtastyqqa jáne memlekettík organdarmen júıelí ózara ís-qımylǵa negízdelgen. Qazírgí uaqytta salalyq mınıstrlíkpen bírlesíp, eríktílerdí qoldaudyń bíryńǵaı tūjyrymdamasy ázírleníp jatyr, onda qozǵalysty qatysushylardyń ūsynysyn da eskeredí.
«Bízdíń míndetímíz kezdesu ótkízu ǵana emes, jergílíktí jerdegí eríktílerdíń qauymdastyǵyn oqytu, kúsheıtu jáne olardyń píkírín estu arqyly tıímdí árí tūraqty qoldau júıesín qalyptastyru», - dep atap óttí spıker.
Almatydaǵy eríktílerdíń front-ofısíníń jetekshísí Qymbat Nūrdáulet qalada qozǵalys edáuír ósíp, jastar oǵan belsene qatysyp jatqanyn aıtady.
«2025 jyldyń qorytyndysy boıynsha front-ofıs 58 myńnan astam eríktíní bíríktíríp, 2000-nan astam ís-shara ūıymdastyrdy. Jūmys ekologıyadan bastap tótenshe jaǵdaılarǵa deıín jetí baǵyt boıynsha júrgízíledí», - dedí.
Qoǵamdyq qauípsízdíkke qosqan úlestí de atap óttí. «NarkoStop» jobasy ayasynda 18 myńnan astam esírtkí jarnamasy joıylyp, kıbervolonterlerdíń kómegímen 197 zańsyz ınternet-resurs būǵattalǵan.
2026 jyly Almatyda bírneshe jańa bastamany júzege asyru josparlanyp otyr. Olardyń qatarynda eríktíler saǵatyn esepke alu, yntalandyru júıesí men «eríktíníń pasporty» engízíletín bíryńǵaı tsıfrlyq ekojúıení qalyptastyruǵa baǵyttalǵan «Almaty Volunteers 2026» qalalyq baǵdarlamasy bar. Sonymen qatar ūıymdar arasynda áleumettík bastamalardy estafeta retínde jetkízu arqyly ózara kómek mádenıetín nyǵaıtudy kózdeıtín «Almaty Jaqsylyq estafetasy» jobasy íske qosylady. Ekologıyalyq baǵyt «Eco Almaty Volunteers» qozǵalysy arqyly kúsheıíp, eko-saqshylar, senbílík pen kógaldandyru aktsıyasy ūıymdastyrylady.
«Bízdíń maqsatymyz – eríktílerdíń jańa ekojúıesín qalyptastyru, oǵan qatysatyndardyń barlyǵyn bíryńǵaı tsıfrlyq ortaǵa bíríktíríp, eríktíler eńbegíníń mańyzyn arttyru», - dedí Qymbat Nūrdáulet.
Qatysushylardyń píkírínshe, Eríktílerdíń halyqaralyq jylyn ótkízu ózara kómek mádenıetín nyǵaıtyp, jauapty azamattyq qoǵamdy damytuǵa qosymsha serpín beredí.
Kezdesuler qorytyndysy boıynsha óńírlerdíń ūsynysy 2030 jylǵa deıíngí volonterlík salasyndaǵy jańa memlekettík sayasattyń negízíne aınalady.