2026 jylǵy 6 sáuírde «ALMATY POLYTECHNIC COLLEGE» KMQK bazasynda dástúrlí túrde qatarynan ekínshí jyl Almaty qalasynyń memlekettík kolledjderíníń studentterí arasynda fızıka jáne matematıka pánderí boıynsha qalalyq olımpıada óttí, – dep habarlaıdy aqshamnews.kz tílshísí.
Būl ís-sharanyń basty maqsaty – daryndy studentterdí anyqtau jáne qoldau, jastardyń ıntellektualdyq áleuetín damytu, sondaı-aq fızıka-matematıka pánderíne degen qyzyǵushylyqty arttyru boldy.
Olımpıadaǵa joǵary daıyndyq deńgeıín kórsetken, kásíbı damuǵa ūmtylatyn qala kolledjderíníń úzdík studentterí qatysty. Qatysushylar óz bílímderín, logıkalyq oılau qabíletterín, taldau jasau daǵdylaryn jáne teorıyalyq bílímderín tájírıbede qoldana bílu sheberlíkterín aıqyn kórsettí.
Olımpıada ekí kezeńnen tūrdy. Bírínshí kezeńde qatysushylar Moodle platformasynda onlaın test tapsyrdy. Test 20 sūraqtan tūryp, ony oryndauǵa 40 mınut uaqyt beríldí. Baǵalau avtomatty túrde júrgízíldí. Test nátıjesínde 50%-dan joǵary nátıje kórsetken studentter ekínshí kezeńge joldama aldy.
Ekínshí kezeńde qatysushylar fızıka jáne matematıka pánderí boıynsha jazbasha olımpıadalyq tapsyrmalardy oryndady. Tapsyrmalar ártúrlí deńgeıde qūrastyrylyp, bílím alushylardyń teorıyalyq jáne praktıkalyq daıyndyǵyn jan-jaqty baǵalauǵa múmkíndík berdí.
Olımpıada qazaq jáne orys tílderínde óttí.
Ekí kezeńníń qorytyndysy boıynsha kelesí jeńímpazdar anyqtaldy:
Matematıka pání (qazaq tílí):
I oryn – Djumagazıeva Madına Maratqyzy (ALMATY POLYTECHNIC COLLEGE)
II oryn – Mır Nurnısa (Almaty avtomobıl jáne sán ındustrıyasy kolledjí)
III oryn – Ótegen Dosbol Ǵabıtūly (Almaty elektromehanıka kolledjí)
Matematıka pání (orys tílí):
I oryn – Chapaev Nurıddın (ALMATY POLYTECHNIC COLLEGE)
II oryn – Bayanbaev Arystan Qaınarovıch (Almatınskıı avtomehanıcheskıı kolledj)
III oryn – Jıgaılo Bogdan Vadımovıch (Almaty servıs jáne tehnologıyalar kolledjí)
Fızıka pání (qazaq tílí):
I oryn – Mautqan Aıqyn (ALMATY POLYTECHNIC COLLEGE)
II oryn – Joldas Danıyaar Abaıūly (Almaty elektromehanıkalyq kolledjí)
III oryn – Oraztaı Erkín (Joǵary medıtsınalyq kolledjí)
Fızıka pání (orys tílí):
I oryn – Nabokov Mıron Vladımırovıch (Almatınskıı avtomehanıcheskıı kolledj)
II oryn – Maqsatqyzy Elnara (Almaty kólík jáne kommunıkatsıyalar kolledjí)
III oryn – Zaharopulo Artyom Aleksandrovıch (Almatınskıı stroıtelno-tehnıcheskıı kolledj)
Jeńímpazdar men júldegerler dıplomdarmen jáne sertıfıkattarmen marapattaldy.
Olımpıadanyń ádíl árí obektıvtí ótuíne qazylar alqasynyń kásíbılígí úlken úles qosty. Ádíl qazylar alqasynyń qūramynda:
- Almaty qalasy Bílím basqarmasy QBBJTǴÁO TjKBB bólímíníń basshysy Súleımenova Gúlnar Jálelqyzy,
- Dıdjıtal Kolledj matematıka páníníń oqytushysy, pedagog-moderator Rahımjanova Saltanat Kaırallınıchn;
- Jansúgírov atyndaǵy №130 gımnazıya matematıka páníníń oqytushysy, pedagog-zertteushí Haırullına Asel Raısovna;
- Ál-Farabı atyndaǵy Qazaq ūlttyq unıversıtetíníń professory Kerímbaev Nūrasyl Nūrymūly
- Almaty avtomehanıka kolledjíníń fızıka páníníń mūǵalímí, Dıdarbek Parhat Baımahanbetūly
Olımpıadanyń ádíl árí sapaly ótuíne qazylar alqasynyń kásíbılígí zor úles qosty. Qazylar qūramynda joǵary bílíktí mamandar men tájírıbelí pedagogtar boldy. Olar qatysushylardyń jūmystaryn jan-jaqty saralap, obektıvtí baǵalady.
Būl bílím dodasy studentterdíń tanymdyq belsendílígín arttyryp qana qoımaı, olardyń shyǵarmashylyq qabíletterín damytuǵa, ózara tájírıbe almasuyna jáne kásíbı tūrǵydan qalyptasuyna úlken múmkíndík berdí.
Fızıka jáne matematıka pánderí boıynsha qalalyq olımpıada – būl bílím men bílíktílíktíń, shyǵarmashylyq pen tehnologıyanyń toǵysqan alańy.
Mūndaı ís-sharalar bolashaq mamandardyń áleuetín ashyp, tehnıkalyq bílím beru sapasyn arttyruǵa yqpal etetíní sózsíz.