Almatyda ótíp jatqan «Almaty – Shanhaı» bıznes forumy ayasynda Beijing Fuxing Yihua Technology Co., Ltd. kompanıyasynyń ınvestıtsıyalyq jobasy tanystyryldy, – dep habarlaıdy aqshamnews.kz tílshísí.
Bastama ayasynda qalada tau-ken ónerkásíbíne baǵyttalǵan ǵylymı-zertteu ınstıtutyn ashu josparlanyp otyr.
Joba mıneraldyq shıkízattyń qūramyn taldauǵa, baıytu synaqtaryn jobalauǵa jáne metallurgıyalyq úderísterdí ázírleuge mamandanbaq.
Beıjíńdegí Fuxing Yihua kompanıyasynyń vıtse-prezıdentí, ınvestor ókílíníń aıtuynsha Qazaqstan tau-ken salasynda aıtarlyqtaı áleuetke ıe. Alaıda bírqatar baǵyttarda ǵylymı-tehnologıyalyq saraptama tapshylyǵy saqtalyp otyr.
«Qazaqstan – tau-ken óndírísí qarqyndy damyǵan írí elderdíń bírí. Mıneraldyq shıkízatty taldau, baıytu synaqtaryn júrgízu jáne metallurgıyalyq úderísterdí ázírleu baǵyttarynda álí de sūranys bar. Bíz būl naryqtyń múmkíndígín joǵary baǵalaımyz», – dedí kompanıya ókílí.
Sondaı-aq, ınvestor Almaty ákímdígíne jobany qoldaǵany jáne ony júzege asyruǵa qolaıly jaǵdaı jasaǵany úshín alǵys bíldírdí.
Aıta keteıík, Almatyda ekí qala arasyndaǵy sauda-ekonomıkalyq jáne ınvestıtsıyalyq baılanysty nyǵaıtuǵa arnalǵan «Almaty – Shanhaı» bıznes forumy ótíp jatyr. Atalǵan alań memlekettík organdardyń, bıznes ókílderíníń jáne sarapshylardyń basyn qosyp, bírlesken jobalar men jańa áríptestík baǵyttaryn talqylauǵa múmkíndík beredí.