Almaty men Shanhaı joǵary tehnologıya men ornyqty damu salalaryndaǵy yntymaqtastyqty kúsheıtíp, ekonomıkalyq ósímníń jańa baǵyttaryn aıqyndap keledí, – dep habarlaıdy aqshamnews.kz tílshísí.
Būl turaly «Almaty – Shanhaı» bıznes forumy barysynda Qytaı Halyq Respublıkasynyń Almatydaǵy Bas konsuly Su Fantsyu málímdedí.
Onyń aıtuynsha, Qazaqstan men Qytaı arasyndaǵy baılanys barlyq deńgeıde júıelí túrde nyǵaıyp keledí. Al ózara senímníń joǵary deńgeıí áríptestíktí odan árí keńeıtuge berík negíz qalaıdy.
«Bíz bauyrlas qalalar arasyndaǵy belsendí yqpaldastyqty ǵana emes, sonymen qatar jasandy ıntellekt, zamanauı auyl sharuashylyǵy jáne «jasyl» energetıka sekíldí salalarda jańa ósím núkteleríníń qalyptasyp jatqanyn baıqaımyz», – dedí Su Fantsyu.
Ol búgínde ískerlík baılanys naqty nátıjeler beríp otyrǵanyna toqtaldy. Elektrondyq kommertsıya men tsıfrlyq servısterdíń damuy tūtynushylardyń tauarlar men qyzmetterge qoljetímdílígín keńeıtse, al jańa tehnologıya engízu – zıyatkerlík jabdyqtardan bastap mobıldí tólemderge deıín – halyqtyń ómír súru sapasyn arttyruǵa yqpal etedí.
Dıplomat Shanhaıdyń Qytaıdyń ashyqtyq sayasatyn júzege asyrudaǵy negízgí ortalyqtarynyń bírí retíndegí rólíne erekshe toqtaldy. Onyń aıtuynsha, megapolıs eldíń íshkí naryǵyn jahandyq ekonomıkamen tıímdí baılanystyryp, halyqaralyq yntymaqtastyqtyń mańyzdy alańy retínde qyzmet etedí.
Almaty óz kezegínde Ortalyq Azıyadaǵy jetekshí qarjy-ekonomıkalyq ortalyq retíndegí ornyn nyǵaıtyp, Europa men Azıya arasyndaǵy transkontınentaldyq baılanysty damytuda strategıyalyq ról atqaryp keledí.
Su Fantsyu sondaı-aq qalalar arasyndaǵy áríptestíktíń naqty íske asu kezeńíne ótkenín atap óttí. Búgínde bírlesken jobalar júzege asyrylyp, ískerlík baılanys keńeıíp, bıznes pen tūrǵyndardyń sūranysyna saı jańa yntymaqtastyq baǵyttary qalyptasyp keledí.
«Almaty men Shanhaı arasyndaǵy yntymaqtastyq áleuetí aldaǵy uaqytta da júıelí túrde ashyla beretíníne senímdímíz», – dedí ol.