Jańa talap Almaty qalasynyń Atmosferalyq auany qorǵau qaǵıdalarynda qarastyrylǵan, dep habarlaıdy aqshamnews.kz tílshísí.
Almatyda 2027 jyly 8 qańtardan bastap tómen shyǵaryndylar aımaǵynda (LEZ) atmosferalyq auany qorǵauǵa baǵyttalǵan bírqatar ekologıyalyq talap kúshíne enedí. Solardyń bírí azamattyq pırotehnıkalyq būıymdardy qoldanuǵa tyıym salu. Mūny Almatynyń ekologıya jáne qorshaǵan orta basqarmasynyń ókílderí aıtty.
Jańa talap Almaty qalasynyń Atmosferalyq auany qorǵau qaǵıdalarynda qarastyrylǵan. Qūjattyń 51-tarmaǵyna sáıkes, tómen shyǵaryndylar aımaǵynda azamattyq pırotehnıkalyq zattar men olardy qoldanatyn būıymdardy qoldanuǵa tyıym salynady. Būl shekteu tūrǵyndar erkín satyp ala alatyn petarda, otshashu, salyut jáne basqa da pırotehnıkalyq ónímderge qatysty bolady.
Degenmen būl norma Almatynyń barlyq aumaǵynda bírden qoldanylady degendí bíldírmeıdí. Shekteu tek tómen shyǵaryndylar aımaǵynyń shekarasy belgílengennen keıín sol aumaqta kúshíne enedí.
LEZ shekarasy Almaty ákímdígíníń jeke qaulysymen bekítíledí. Qauly qabyldanyp, aımaqtyń naqty shekarasy belgílengen soń pırotehnıkalyq būıymdardy paıdalanuǵa qoıylatyn talap sol aumaqta qoldanylady. Osylaısha, 2027 jyly 8 qańtardan bastap Qaǵıdalardyń tıístí normasy kúshíne enedí, al onyń naqty qoldanyluy tómen shyǵaryndylar aımaǵynyń shekarasy bekítíluíne baılanysty bolady.
Atmosferalyq auany qorǵau qaǵıdalarynda būdan bólek, aua sapasyn jaqsartuǵa baǵyttalǵan basqa da ekologıyalyq sharalar qarastyrylǵan. Olar avtokólíkterge, qatty jáne sūıyq otyndy paıdalanuǵa, sondaı-aq keıbír nysandar men shyǵaryndylar kózderíne qoıylatyn talaptardy qamtıdy.