2026 jylǵy 5 qańtardan bastap Qazaqstanda, onyń íshínde Almatyda da árkím óz kólígíne qalaǵan nómírín tańdaı alady. Osy uaqyttan berí 19 100 ótínísh kelíp túsken, - dep habarlaıdy aqshamnews.kz tílshísí.
Būl turaly Almaty qalalyq Polıtsıya departamentíníń Ákímshílík polıtsıya basqarmasynyń bastyǵy Serík Shumaev málímdedí.
Endí memlekettík nómír avtomat túrde ǵana berílmeı, azamattar bar nūsqanyń íshínen ózderíne ūnaǵan áríptík-sandyq kombınatsıyany tańdaı alady. Serík Shumaevtyń aıtuynsha, būl jańa qyzmet memlekettík qyzmettí ūsynu tásílín túbegeılí ózgertíp, qolaıly jaǵdaı jasap, tańdau qūqyǵyn damyta túsuge baǵyttalǵan.
Túsken qarajat qaıda baǵyttalady?
"Memlekettík nómírlerdíń bírneshe sanaty qarastyrylǵan. Olardyń qūny 10-nan 280 aılyq eseptík kórsetkíshke (AEK) deıín barady. Baǵa avtokólík ıesí tańdaǵan sandyq nemese áríptík kombınatsıyaǵa baılanysty. Memlekettík nómírlerdí satyp aludan túsken qarajat qala byudjetíne túsedí. Qazír bírdeı úsh sannan tūratyn, basynda nemese sońynda nólderí bar nómírlerge sūranys ótí joǵary", – dep atap óttí Serík Shumaev.
Qazír nómír tańdau úshín mamandandyrylǵan halyqqa qyzmet kórsetu ortalyqtary arqyly ótínísh berseńíz bolady. Aldaǵy uaqytta būl qyzmet onlaın formatta – elektron úkímet portaly men mobıldí qosymshalar arqyly da qoljetímdí bolady. Būl HQKO-larǵa túsetín júktemení azaıtyp, jūmysty barynsha yńǵaıly etuge múmkíndík bermek.
Qyzmet kórsetu rásímí qandaı?
Qyzmet kórsetu rásímí qarapaıym árí túsíníktí: azamat júıedegí qoljetímdí kombınatsıyalardan kerek nómírdí tańdaıdy, tekseruden ótedí, qyzmet aqysyn tólep, ótínísh beredí sosyn. Barlyǵy baqylanady, ashyq ótedí. Ádepsíz árí jaǵymsyz maǵyna beretín nómírlerdí jasauǵa ǵana jol berílmeıdí.
"Áríptík jáne sandyq kombınatsıyalar jalpy qabyldanǵan moraldyq normalarǵa saı boluǵa tıís. Bíz mūny aldyn ala eskertemíz, yaǵnı balaǵat sózder nemese bíreudíń ar-namysy men qadír-qasıetíne nūqsan keltíretín jazuy bar nómírler bolmaıdy. Barlyǵy ádepten aspauy kerek", – deıdí Almaty qalalyq Polıtsıya departamentíníń resmı ókílí Saltanat Ázírbek.