Almatyda tūrǵyndar Respublıka kúníne oraı ūıymdastyrylǵan Republic Day jáne Bereke Fest respublıkalyq aktsıyalary ayasyndaǵy arnaıy ūsynystardy belsendí paıdalanuda, – dep habarlaıdy aqshamnews.kz tílshísí.
Satyp alushylar azyq-túlík jáne azyq-túlíkke jatpaıtyn tauarlardy, sonyń íshínde kıím-keshek pen úıge qajettí zattardy jeńíldetílgen baǵamen satyp alyp, mausymaralyq sauda jasauǵa múmkíndík aluda.
Almaty qalasy Kásípkerlík jáne ınvestıtsıyalar basqarmasy Sauda bólímíníń bas mamany Elnūr Nūrpeısovtíń aıtuynsha, būl aktsıyalar tūrǵyndarǵa tıímdí sauda jasauǵa múmkíndík beríp qana qoımaı, íshkí saudany damytuǵa da yqpal etedí.
«Respublıkalyq aktsıyalar ayasynda sauda nysandary satyp alushylarǵa túrlí tauarlardy tómendetílgen baǵamen ūsynyp otyr. Ásírese mausym auysatyn kezeńde mūndaı ūsynystarǵa sūranys artady. Óıtkení tūrǵyndar garderobyn jańartyp, úıge qajettí zattardy satyp alady. Būl – satyp alushylar úshín otbasylyq byudjettí únemdeuge, al bıznes ókílderí úshín tūtynushylyq sūranysty qoldauǵa múmkíndík», – dedí Elnūr Nūrpeısov.
Merekelík jeńíldíkterdíń eń qyzu kezeńí 23–27 qazan aralyǵyna sáıkes keledí. Osy kúnderí arnaıy ūsynystar men jeńíldíkterdíń basym bólígí ūsynylady. Aktsıyalar 2026 jylǵy 27 qazandy qosa alǵanǵa deıín jalǵasady.
Jalpyrespublıkalyq nauqannyń bastamashylary – Qazaqstan Respublıkasy Sauda jáne ıntegratsıya mınıstrlígí men jergílíktí atqarushy organdar. Ís-sharalar halyq úshín tauarlardyń qoljetímdílígín arttyruǵa, tūtynushylyq sūranysty qoldauǵa jáne íshkí saudany damytuǵa baǵyttalǵan. Sonymen qatar otandyq óndírushílerdíń ónímderín ílgeríletuge erekshe nazar audarylady.
Almaty qalasyndaǵy Republic Day jáne Bereke Fest aktsıyalaryna qatysatyn sauda nysandarynyń tízímímen resmı saıtta tanysuǵa bolady:
https://www.gov.kz/org/almaty/press/events/details/49370?lang=ru
Osylaısha, merekelík jeńíldíkter qala tūrǵyndaryna jańa mausymǵa qajettí tauarlardy tıímdí baǵamen satyp aluǵa múmkíndík berse, sauda kásíporyndary úshín satyp alushylardy tartuǵa jáne tūtynu naryǵyndaǵy belsendílíktí arttyruǵa yqpal etedí.