23 qazan, Respublıka kúní qarsańynda Almatynyń Nauryzbaı audanynda jalpy syıymdylyǵy 880 oryn bolatyn úsh memlekettík balabaqsha ashyldy, – dep habarlaıdy aqshamnews.kz tílshísí.
Jańa mekemeler qalanyń qarqyndy damyp kele jatqan shaǵynaudandarynyń tūrǵyndary úshín mektepke deıíngí bílímníń qoljetímdílígín arttyruǵa múmkíndík beredí.
Atap aıtqanda, Qūramys shaǵynaudanynda 320 oryndyq (13 top) №203 bóbekjaı-balabaqsha, «Nūrly Dala» tūrǵyn úı keshenínde 320 oryndyq (16 top) №204 bóbekjaı-balabaqsha jáne Dostyq shaǵynaudanynda 240 oryndyq (10 top) №207 bóbekjaı-balabaqsha jūmysyn bastady.
Tūrǵyn úıler qarqyndy salynyp, halyq sany artyp kele jatqan Nauryzbaı audanynda balabaqsha oryndaryna sūranys joǵary. Sondyqtan jańa mekemelerdíń ashyluy audan tūrǵyndary úshín erekshe mańyzdy.
Balabaqshalar jelísín keńeıtu Qazaqstan Prezıdentí Qasym-Jomart Toqaevtyń mektepke deıíngí ūıymdardaǵy oryn tapshylyǵyn azaıtu jáne tárbıe men oqytu sapasyn arttyru jóníndegí tapsyrmalary ayasynda júzege asyrylyp jatyr.
2026 jyldyń basynan berí Almatyda 60 mektepke deıíngí ūıym ashyldy. Onyń íshínde 1 890 oryndyq 9 memlekettík balabaqsha jáne jeke ınvestıtsıya esebínen ashylǵan 3 361 oryndyq 51 jekemenshík mekeme bar. Būǵan qosa, jūmys ístep tūrǵan jekemenshík balabaqshalardy keńeıtu arqyly taǵy 723 oryn ashyldy.
Jóndeu jáne qaıta jańǵyrtu jūmystarynan keıín №81, 37, 168, 89 jáne 10 memlekettík balabaqsha da qaıta jūmys ísteı bastady. Qalada memlekettík bílím beru tapsyrysyn ornalastyru jáne mektepke deıíngí bílím berudí damytuǵa jeke sektordy tartu jūmystary jalǵasyp jatyr.
Qabyldanyp jatqan sharalarǵa qaramastan, ásírese tūrǵyn úı qūrylysy qarqyndy júríp, halyq sany ósíp kele jatqan audandarda balabaqsha oryndaryna degen qajettílík álí de joǵary.
Qajettílík kartasyna sáıkes, 2030 jylǵa deıín Almatyda jalpy syıymdylyǵy 16 200 oryn bolatyn taǵy 48 balabaqsha salu qajet. Būl nysandarǵa arnalǵan jer uchaskelerí qalanyń Bas josparynda qarastyrylǵan. Al aldaǵy bír jylda bírínshí kezekte 18 balabaqsha salu qajettílígí anyqtaldy.
Qazír jańa nysandarǵa arnalǵan jer telímderín anyqtau jáne qūrylysqa daıyndau jūmystary júrgízílíp jatyr. Būl rette halyqtyń tyǵyzdyǵy men tūrǵyn alaptardyń damu múmkíndígí eskeríledí.
Aldaǵy uaqytta balabaqsha oryndarynyń sanyn memlekettík balabaqshalar salu, jeke ınvestıtsıya tartu jáne qoldanystaǵy mekemelerdí jańǵyrtu arqyly arttyru josparlanyp otyr.