Qasym-Jomart Toqaev Respublıka kúnímen qūttyqtady, – dep habarlaıdy aqshamnews.kz tílshísí.
Būl – búkíl halqymyz úshín mán-maǵynasy erekshe jáne qasterlí meıram! 25 qazanda aqjoltaı qūjat – Qazaqstannyń Egemendígí turaly deklaratsıya qabyldandy.
Dál sol kúní ūlt jylnamasynyń jańa kezeńí bastaldy. Kóp ūzamaı óz aldyna derbes el atandyq. Tarıhı ádíldík ornap, qasıettí qazaq jeríne Táuelsízdíktíń altyn qazyǵy qaǵyldy. Sondyqtan būl kúndí Ūly daladaǵy memlekettílík dástúrí qaıta jańǵyrǵan kún dep aıtsaq, artyq emes.
Bıyl bíz ūlttyq merekení el Táuelsízdígíníń 35 jyldyǵy qarsańynda atap ótíp jatyrmyz. Qazaqstan osy memleket tarıhynyń mereılí mejesíne qarqyndy damyp kele jatqan, álem qauymdastyǵynyń qūrmetíne ıe bolǵan el retínde jetíp otyr.
Halqymyz egemendík jyldarynda kóptegen belestí abyroımen eńserdí. Ūlttyq bolmysymyzdyń myzǵymas nyshandary – memlekettík rámízderímíz bekítíldí. Kók Tuymyz Bíríkken Ūlttar Ūıymynyń tórínde jelbíredí.
Ūlttyq qarjy júıesí qūryldy. Memlekettík shekaramyz shegendeldí.
Qasıettí Saryarqanyń tórínde, būrynǵy eskí qalanyń ornynda búkíl dúnıe júzín tańǵaldyrǵan, álem moıyndaǵan jańa elordamyz – Astananyń írgesí qalandy.
Bíz bírlígímízdí bekemdep, jer júzíne beıbítshílík besígí retínde tanyldyq».