Almatyda tabıǵat ayasynda demalysty paıdaly íspen ūshtastyruǵa múmkíndík beretín jańa ekologıyalyq bastama íske qosyldy. Butakov shatqalynda, áıgílí sarqyramaǵa aparar jol boıyndaǵy «Būtaqty» vızıt ortalyǵy qala tūrǵyndary men qonaqtaryna arnalǵan erekshe aktsıyany ūsyndy, – dep habarlaıdy aqshamnews.kz tílshísí.
Endí Íle-Alatauy ūlttyq sayabaǵynyń baǵyty boıymen seruendegender tabıǵatqa janashyrlyq tanytyp, jol boıyndaǵy qoqysty jınap, ony vızıt ortalyǵyna ótkíze alady. Al aktsıyaǵa qatysushylarǵa alǵys retínde tegín kofe nemese shaı beríledí.
Būl bastama «Taza Qazaqstan» ekologıyalyq aktsıyasy ayasynda júzege asyrylyp otyr. Onyń maqsaty — tūrǵyndar men turısterdí tabıǵatty ayalauǵa, tazalyq saqtauǵa jáne ekologıyalyq mádenıettí qalyptastyruǵa yntalandyru. Ūıymdastyrushylardyń aıtuynsha, mūndaı ís-sharalar demalys mádenıetín arttyryp qana qoımaı, qorshaǵan ortaǵa jauapkershílíkpen qaraudyń mańyzyn kúsheıtedí.
Aıta keteıík, Íle-Alatauy ūlttyq sayabaǵynda ornalasqan «Būtaqty» vızıt ortalyǵy tanymal turıstík baǵyttardyń bírínde ashylǵan. Endí Butakov sarqyramasyna bet alǵan árbír adam būl ekoaktsıyaǵa qatysa alady.