Almatyda Qazaqstan halqynyń bírlígí kúníne oraı erekshe formattaǵy neondyq «Bírlík júgírísí» ūıymdastyryldy. Ís-sharaǵa túrlí ūlt ókílderínen 100-den astam adam qatysyp, ol dostyqtyń, tatulyqtyń jáne mádenı aluandyqtyń jarqyn kórínísíne aınaldy, – dep habarlaıdy aqshamnews.kz tílshísí.
Almaty qalasy Sport basqarmasynyń ókílderíníń málímetínshe, bıylǵy ís-sharada zamanauı formatqa basymdyq berílíp, tūrǵyndardy būqaralyq sportqa keńínen tartu kózdelgen.
Júgíru keshkí uaqytta óttí: saǵat 21:00-de bastalyp, qatysushylar neon jaryqtary, áuen jáne merekelík atmosfera ayasynda qashyqtyqty eńserdí. Qatysushylar jaryq beretín aksessuarlar men túrlí elementter taǵyp shyǵyp, zamanauı qalalyq stıl qalyptastyrdy.
Muzykalyq baǵdarlama da ártúrlílígímen erekshelendí. Dıdjeı-sette álem mádenıetteríníń áuenderí úılesím tauyp, bírlík ruhyn aıshyqtaı tústí. Qashyqtyq boıynda jankúıerlerdíń qoldauy men júrgízushíníń jígerlendíruí qatysushylarǵa kúsh beríp otyrdy.
Máre sátí erekshe este qaldy: barlyq qatysushyǵa «1-oryn» medalí tabystalyp, būl jarysta jeńílgen jan joq ekení kórsetíldí. Al shańyraq píshínínde bezendírílgen tūǵyrnama ortaq úı – Qazaqstannyń sımvoly retínde ūsynylyp, ár adamnyń bírtūtas qoǵamnyń bólshegí ekenín beıneledí.
Ís-shara baǵdarlamasy elektrodombyra únímen jáne jasandy ıntellekt elementterí qoldanylǵan multımedıyalyq kórsetílímmen tolyqty. Būl dástúr men zamanauı tehnologıyalardyń úılesímdí toǵysqanyn kórsettí.
«Bírlík júgírísí» tek sporttyq ís-shara emes, adamdardy bíríktíretín, ózara qūrmet pen qoǵamdyq kelísímdí nyǵaıtatyn mańyzdy alań ekenín dáleldedí.