"Almaty – Tashkent" baǵytyndaǵy poıyzdar kún saıyn júretín bolady, - dep habarlaıdy Aqshamnews.kz tílshísí.
"Jolaushylar tasymaly" AQ 2025 jylǵy 14 jeltoqsannan bastap «Almaty – Tashkent» baǵyty boıynsha Talgo poıyzynyń kúndelíktí qatynaıtynyn jarıyalady. Būl ózgerís Qazaqstan men Ózbekstan arasynda tūraqty jáne qolaıly qatynasty qamtamasyz etudí kózdeıdí.
Kompanıya málímetínshe, kún saıynǵy reıster táulígíne 400-den astam jolaushyny tasymaldauǵa múmkíndík beredí. Baǵytqa ūzaq saparǵa arnalǵan barlyq qajettí jaılylyqpen jabdyqtalǵan zamanauı Talgo qūramdary shyǵarylady.
Kúndelíktí qatynastyń bastaluy ekí el arasyndaǵy turıstík aǵyndy arttyruǵa, sondaı-aq mádenı jáne ískerlík baılanystardy kúsheıtuge múmkíndík beredí. Būl baǵyt jolaushylar arasynda būrynnan joǵary sūranysqa ıe.
Bıletterdí qaıdan aluǵa bolady:
– bilet.railways.kz resmı saıtynan;
– temírjol vokzaldarynyń bılet kassalarynan.
Tolyq aqparatty 1433 nómíríne qońyrau shalyp nemese tablo-railways.kz onlaın-tablosynan aluǵa bolady.
