Almatyda 14–15 aqpan kúnderí Almaty studentter lıgasynyń kóktemgí kezeńí ayasyndaǵy oıyndar bastalady. Tur barysynda basketbol jáne futbol matchtary ótedí. Būl turaly Almaty qalasy Sport basqarmasynyń ókílderí aıtty.
Basketbol oıyndary Qarasaı batyr kóshesí, 95 mekenjaıynda ornalasqan QazŪU-dyń sport zalynda ūıymdastyrylady. Futbol matchtary Sátbaev kóshesí, 6B mekenjaıynda ótedí.
Basqarma málímetínshe, 2025–2026 mausymy sheshushí kezeńge ayaq basty. Kúzgí kezeń tolyq ayaqtalyp, komandalar turnırlík kestedegí qorytyndy oryndar úshín tartysty jalǵastyruda.
Bıylǵy mausymda qaladaǵy 35 joǵary oqu ornynan 108 komanda baq synauda. Jarys futbol (11h11), voleıbol jáne basketbol baǵyttary boıynsha ótedí. Oıyndar aınalmaly júıe negízínde ūıymdastyrylǵan — ár komanda óz dıvızıonyndaǵy barlyq qarsylastarymen kezdesedí.
Sport basqarmasynda atap ótkendeı, kóktemgí kezeń qorytyndysy boıynsha mausym chempıondary anyqtalady. Qorytyndy oryndar ekí kezeńde jınalǵan ūpaıdyń jıyntyǵy arqyly belgílenedí.
Barlyq baǵyt boıynsha studentterdíń qatysuy tegín. Jarysty ūıymdastyru jáne úılestíru tsıfrlyq platformalar arqyly júzege asyrylady:
avsl.kz — voleıbol,
afsl.kz — futbol,
asbl.kz — basketbol.
Barlyq match lıganyń resmı YouTube arnasynda tíkeleı efırde kórsetíledí.
Kóktemgí kezeń — būl joǵary báseke, barynsha shoǵyrlanu jáne sońǵy turǵa deıín jalǵasatyn chempıondyq úshín kúres. Dál qazír ár oıyn mausymnyń qorytyndy nátıjesíne tíkeleı yqpal etedí.