Almatyda Qazaqstan Parlamentí Senatynyń deputaty Nūrıya Nıyazova da Konstıtutsıya jobasy men aldaǵy referendum turaly píkír bíldírdí, – dep habarlaıdy aqshamnews.kz tílshísí.
Onyń aıtuynsha, jańa negízgí zań jobasyn talqylau el íshínde de, álemde de mańyzdy ózgeríster júríp jatqan kezeńge tūspa-tūs kelíp otyr.
«Bíz tarıhı tańdaudyń jolynda tūrmyz. Konstıtutsıyanyń jańa jobasyn qabyldau – elímízdíń damuyndaǵy mańyzdy kezeń. 15 nauryz kúní saılau uchaskesínde árqaısymyz tańdau jasaımyz. Būl Qazaqstannyń odan arǵy damuyna atsalysu, soǵan bolysu degen sóz», – deıdí Nūrıya Nıyazova.
Ol sondaı-aq qazírgí álemníń qarqyndy ózgeríp jatqanyn jáne memleketter úshín jańa úderíster men syn-qaterlerdí de eskeru kerektígín aıtty.
«Álem ózgeríp jatyr, tehnologıyalyq jáne tsıfrlyq úderíster damyp, zańnama da ózgeríp jatyr. Qazaqstan íshkí berík ūstanymdy saqtaı otyryp, sonymen bírge álemdík arenada óz ornyn nyq kórsetuí kerek. Konstıtutsıyanyń jańa jobasy kóp jaǵdaıda osyny nyǵaıtuǵa baǵyttalǵan».
Senatordyń aıtuynsha, báríníń bolashaǵy osy zańǵa qarap tūrǵandyqtan, qaı jastaǵy adam bolsyn ony talqylauǵa belsene atsalysuy kerek eken.
«Bolashaqtyń qandaı bolary qaı-qaısysyn bolsyn alańdatady. Sondyqtan kez kelgen adam tańdau jasauy kerek osyndaıda», – deıdí Nūrıya Nıyazova.
