Almatyda 4 sáuírden bastap №130 jańa qalalyq avtobus baǵyty íske qosylady. Būl baǵyt kólík qoljetímdílígín arttyruǵa jáne tūrǵyndardyń qatynau jaılylyǵyn jaqsartuǵa baǵyttalǵan, – dep habarlaıdy aqshamnews.kz tílshísí qalalyq Jol qozǵalysyn ūıymdastyru jáne jolaushylar kólígí basqarmasyna sílteme jasap.
Marshrutqa «Almatyelektrotrans» JShS qyzmet kórsetedí. Kún saıyn jelíge Yutong markaly 15 avtobus shyǵarylady. Būl ūzyndyǵy 10 metr bolatyn zamanauı tómen edendí avtobustar. Árqaısysyna 80 jolaushyǵa deıín syyady, būl qarbalas uaqytta jolaushylarǵa tıímdí qyzmet kórsetuge múmkíndík beredí. Jyljymaly qūram joǵary jaılylyq deńgeıímen, keńdígímen, bírqalypty qozǵalysymen erekshelenedí jáne qauípsízdík pen ekologıyalyq talaptarǵa tolyq sáıkes keledí.
Qozǵalys aralyǵy 9 mınut, būl jolaushylarǵa ūzaq kútpeı, saparlaryn yńǵaıly josparlauǵa múmkíndík beredí.
№130 baǵyt Qalqaman shaǵynaudanyndaǵy №7 qalalyq klınıkalyq auruhanany «Kóktóbe» sońǵy ayaldamasymen baılanystyrady. Baǵyttyń jalpy ūzyndyǵy 21,5 km. Avtobustar kún saıyn saǵat 05:30-dan 23:00-ge deıín qatynaıdy.
Marshrut boıynda avtobustar Raıymbek batyr, Seıfullın, Dostyq dańǵyldary, Sátbaev kóshesí jáne qalanyń basqa da mańyzdy kóshelerí arqyly ótedí.
Sondaı-aq avtobustar būryn qoǵamdyq kólík júrmegen Būqar jyrau bulvary boıymen de qatynaıdy.
Jańa baǵyt qalanyń batys jáne ortalyq bólíkterí arasyndaǵy baılanysty jaqsartyp, áleumettík nysandarǵa, medıtsınalyq mekemelerge jáne tanymal qalalyq oryndarǵa qoljetímdílíktí arttyrady.