2026 jylǵy 25 qazanda, Respublıka kúní Almatyda Úlken jáne Kíshí Almaty shatqaldarynda, sondaı-aq Medeu aumaǵynda auqymdy ekologıyalyq aktsıya óttí, – dep habarlaıdy aqshamnews.kz tílshísí.
Ís-shara Memleket basshysynyń bastamasymen qolǵa alynǵan «Taza Qazaqstan» jalpyūlttyq aktsıyasy ayasynda ūıymdastyryldy. Oǵan ákímdík qyzmetkerlerí, ūlttyq park ókílderí, jastar ūıymdarynyń múshelerí, volonterler men qala tūrǵyndary qatysty.
Aktsıyaǵa qatysushylar tabıǵı aumaqtardy tūrmystyq qaldyqtardan tazartyp, Almatynyń bíregeı tabıǵatyn saqtauǵa óz úlesterín qosty. Bastamanyń maqsaty – qorshaǵan ortanyń tazalyǵyn qamtamasyz etíp qana qoımaı, ekologıyalyq mádenıettí qalyptastyru, tūrǵyndar men turısterdíń tabıǵatty saqtaudaǵy jeke jauapkershílígín arttyru.
Almatynyń tauly shatqaldary – qaladaǵy eń tanymal turıstík baǵyttardyń bírí. Turıster aǵynynyń artuy tabıǵı aumaqtarǵa túsetín júktemení de kóbeıtedí. Tazalyq jūmystary tūraqty júrgízílgeníne qaramastan, keıbír kelushíler qoqysty ózderímen bírge alyp ketpeı, qorshaǵan ortany lastap, tabıǵı ekojúıelerge zıyan keltírude.
Aktsıya barysynda jastar tuǵan jerdíń tabıǵatyna ūqypty qaraudyń mańyzyn atap óttí. QazŪU studentí Sánıyanyń aıtuynsha, senbílíkke qatysu ūlttyq merekení ıgí íspen atap ótíp, ortaq íske jeke úles qosuǵa múmkíndík berdí.
«Respublıka kúnínde elímízge paıdamyzdy tıgízíp, ortaq íske úles qosqymyz keldí. Medeuge demaluǵa kelgende onyń ásem tabıǵatyna súısínemíz. Sol sūlulyqty saqtau da óz qolymyzda. Ár adam ózínen keıín tazalyq qaldyrsa, aınalamyz da taza bolady», – dedí student.
Ekologıyalyq qūqyq būzushylyqtardyń aldyn alu maqsatynda Almaty qalasynyń Polıtsıya departamentí tauly aumaqtardaǵy monıtorıng pen patruldeu jūmystaryn kúsheıttí. Tazalyqty saqtau, qūqyq būzushylyqtardyń aldyn alu jáne ekologıyalyq baqylaudy kúsheıtu baǵytyndaǵy jūmystar tūraqty negízde jalǵasady.
Ūıymdastyrushylar tauly aumaqtardyń tazalyǵyn saqtau – qala tūrǵyndary men qonaqtarynyń ortaq míndetí ekenín eske salady. Tabıǵatqa ár adamnyń sanaly árí jauapkershílíkpen qarauynsyz típtí auqymdy ekologıyalyq aktsıyalardyń ózí máselení tolyq sheshe almaıdy.