Almaty qalasy PD Qoǵamdyq qauípsízdík basqarmasynyń bastyǵy Tımur Noǵaıbaevtyń aıtuynsha, atalǵan sharalar qoǵamdyq tártíptí qamtamasyz etuge jáne qūqyq būzushylyqtardyń aldyn aluǵa baǵyttalǵan, – dep habarlaıdy aqshamnews.kz tílshísí.
Almaty qalasynda hostelderge, shaǵyn syıymdylyqtaǵy qonaq úılerge jáne shetel azamattary shoǵyrlanǵan ózge de oryndarǵa tekseru júrgízuge baǵyttalǵan jedel-profılaktıkalyq ís-shara jalǵasyp jatyr.
"Tekseruler júıelí sıpatqa ıe jáne eń aldymen azamattardyń qauípsízdígín qamtamasyz etuge, kóshí-qon zańnamasyn būzushylyqtardy anyqtauǵa jáne qūqyq būzushylyqtardyń aldyn aluǵa baǵyttalǵan", – dedí Tımur Noǵaıbaev.
Ís-shara osy jyldyń 10–20 sáuírí aralyǵynda ótkízílude.
Búgíngí kúnge deıín 158 hostel jáne 169 ózge de ornalastyru nysany tekseríldí. Sondaı-aq, 149 shetel azamaty tekseruden óttí.
Tekseru nátıjesínde 1 087 ákímshílík qūqyq būzushylyqtyń joly kesíldí. Onyń íshínde: kóshí-qon zańnamasyn būzudyń 648 deregí, shetel azamattarynyń bolu qaǵıdalaryn būzudyń 121 faktísí, qoǵamdyq oryndarda alkogoldík íshímdíkter íshuge qatysty 169 jaǵdaı, esírtkí zattaryn tūtynudyń 10 deregí, qoǵamdyq oryndarda mazasyzdandyrudyń 139 jaǵdaıy, 62-í kámeletke tolmaǵandardyń zańsyz (qarausyz/qadaǵalausyz) júru faktílerí anyqtaldy.