Búgingi kúni sıntetıkalyq esirtkiler men olardy óndirýge arnalǵan zerthanalar - álemdik máselelerdiń biri.
Esirtki satylatyn 260 saıttyń buǵattalýyna Almaty polısıasy bastamashy boldy, – dep habarlaıdy Almaty-akshamy.kz Polisia.kz-ke silteme jasap.
Almaty qalalyq polısıa departamenti esirtkiniń jańa túrleriniń, onyń ishinde sıntetıkalyq esirtkilerdiń shyǵý tegi aınalymynyń jolyn kesý tıimdiligin arttyrýǵa baǵyttalǵan birqatar uıymdastyrýshylyq jáne tájirıbelik sharalar keshenin qabyldaýda.
2021 jyldyń alty aıynda qalada júrgizilgen jedel-izdestirý is-sharalarynyń nátıjesinde satý faktisi boıynsha 21 is-shara júzege asyryldy, sıntetıkalyq esirtkini saqtaýdyń 66 faktisi anyqtaldy, alty keliden astam «sıntetıka» tárkilendi.
«Uzaq merzimdi is-sharanyń nátıjesinde biz sıntetıkalyq esirtkilerdi shyǵaratyn úsh zerthanany joıdyq. Jalpy, esirtkiniń zańsyz aınalymyna qatysty qylmystar jańa formattarǵa ıe boldy. Ózekti máselelerdiń biri – sıntetıkalyq esirtkini kontaktisiz ádis, Internet arqyly, elektrondy tólemder arqyly taratý tendensıasy. Qylmystyń bul túrin, ádette, jalǵyz adam emes, arnaıy taǵaıyndalǵan mindetteri bar top jasaıdy. Osylaısha, biz qylmystyń uıymdasqan túrimen aınalysamyz», – dedi Almaty qalasy PD esirtki qylmystarymen kúres basqarmasynyń bastyǵy Erlan Almaǵambetov.
Spıker jaqynda polısıanyń sıntetıkalyq esirtki óndirisi men satylym faktisi boıynsha is-sharany júzege asyrǵanyn atap ótti. Nátıjesinde segiz aıyptalýshy qamaýǵa alyndy. Óndirilgen esirtkiler kontaktisiz ádis (qupıa oryndar) ınternet-dúken arqyly satyldy, qarajat banktik aýdarymdar júıesi arqyly alyndy.
«Jyl basynan beri PD EQKB qala aýmaǵyndaǵy aımaqtyq bólimshelerdiń qyzmetkerlerimen birge 1 604-ten astam graffıtı-jazýlardy anyqtady jáne boıaý arqyly joıdy, olardyń quramynda esirtki zattarynyń taralýy týraly aqparat bar. Sonymen qatar esirtki quraldaryn, psıhotroptyq zattardy nemese olardyń analogtaryn, prekýrsorlardy zańsyz jarnamalaýdyń bes faktisi anyqtaldy. Sondaı-aq júrgizilgen jedel-izdestirý is-sharalary jáne ınternet jelilerin baqylaýdyń arqasynda aǵymdaǵy jyldyń birinshi jartyjyldyǵynda EQKB qyzmetkerleri 260 saıtty, onyń ishinde messendjerlerdi, blogtardy, áleýmettik jelilerdi, esirtki jáne psıhotroptyq zattardy taratý týraly zańsyz aqparattardy anyqtady. Osy saıttardy buǵattaý týraly aqparat QR İİM-ne jiberildi», – dedi Almaǵambetov.