Almatyda jańa jyl túní jasalǵan páter ūrlyǵy áshkerelendí, qalanyń Áuezov audanynda úsh er adam páter ıeleríníń joqtyǵyn paıdalanyp, tūrǵyn úıge zańsyz kírgen, dep habarlaıdy aqshamnews.kz
Kúdíktíler tsıfrlyq jáne shaǵyn tūrmystyq tehnıkany, altynnan jasalǵan zergerlík būıymdardy, sondaı-aq aqshalaı qarajatty qoldy etken. Keltírílgen materıaldyq shyǵynnyń jalpy somasy 3 mıllıon teńgeden asty.
Jedel ízdestíru ís-sharalarynyń nátıjesínde kúdíktí úsh azamattyń jeke bastary anyqtalyp, barlyǵy ūstaldy.
Arnaıy operatsıyany qalalyq polıtsıya departamentíníń krımınaldyq polıtsıya qyzmetkerlerí Áuezov audandyq polıtsıya basqarmasymen jáne polıtsıyanyń arnaıy maqsattaǵy bólímshesímen bírlesíp júrgízdí.
Tergeu barysynda ūstalǵandardyń ekeuí būǵan deıín bótenníń múlkín ūrlau derekterí boıynsha qylmystyq jauapkershílíkke tartylǵany belgílí boldy.
Atalǵan faktí boıynsha sotqa deıíngí tergep-tekseru amaldary júrgízílude. Kúdíktíler uaqytsha ūstau ızolyatoryna qamaldy. Sondaı-aq olardyń osyǵan ūqsas ózge de qylmystarǵa qatysy baryn tekseríp jatyr.
"Kúdíktíler merekelík túní páter ıelerí úıde bolmaıdy, al adamdardyń nazary meıramǵa auǵan bolady dep úmíttengen. Alaıda olardyń zańsyz áreketterí der kezínde áshkerelendí. Úsh kúdíktí de ūstalyp, ūrlanǵan múlíktíń bír bólígí tárkílendí. Qazírgí uaqytta olardyń qylmystyq áreketteríníń ózge de epızodtaryn anyqtau jūmystary jalǵasuda", — dedí Almaty qalalyq polıtsıya departamentí krımınaldyq polıtsıya basqarmasynyń bastyǵy Ashat Dauletıyarov.