Almatyda otbasylyq-tūrmystyq qatynas salasyndaǵy qylmystyń sany azaıdy. 2026 jyldyń basynan berí osyndaı 67 derek tírkelse, byltyr osy uaqytta būl kórsetkísh 71 bolypty, – dep habarlaıdy aqshamnews.kz tílshísí.
Áıelderge qatysty zorlyq-zombylyqtyń aldyn alu, balalardy qorǵau men stalkıngke qarsy ís-qımyldyń barysy turaly Almaty qalalyq Polıtsıya departamentí Qoǵamdyq qauípsízdík basqarmasy bastyǵynyń orynbasary Aıtan Eleusízov Óńírlík kommunıkatsıyalar qyzmetíníń baspasóz konferentsıyasynda bayandady.
Spıkerdíń aıtuynsha, búgínde zorlyq-zombylyqtyń aldyn alu, áıelder men balalardy qorǵau, sondaı-aq stalkıngke qarsy kúres máselesín Qazaqstan Respublıkasy Íshkí íster mınıstrlígí men Almaty qalasy Polıtsıya departamentí erekshe baqylauǵa alǵan. Qauíp-qaterdí der kezínde anyqtap, auyr qylmystyń aldyn aluǵa aıryqsha nazar audarylyp otyr eken.
«Sońǵy jyldary qoǵamnyń tūrmystyq zorlyq-zombylyqqa, psıhologıyalyq qysymǵa, qorqytu men qudalauǵa degen kózqarasy aıtarlyqtaı ózgerdí. Būryn otbasylyq janjal kóbíne árkímníń jeke ísí retínde qabyldansa, búgínde mūndaı áreketke naqty qūqyqtyq baǵa beríletín boldy. Zorlyq-zombylyqtyń psıhologıyalyq, seksualdyq nemese ekonomıkalyq sıyaqty kez kelgen túrí jol beruge bolmaıtyn áreket jáne ol zańmen belgílengen jauapkershílíkke ákeledí», — deıdí Aıtan Eleusízov.
Polıtsıya ókílderí qazír qysym kórsetu azamattyń qauípsízdígíne tónetín eleulí qater retínde qarastyrylatynyn atap óttí. Qudalau áreketí úshín qylmystyq jauapkershílík engízílgennen keıín qūqyq qorǵau organdary mūndaıdy anyqtau men zardap shekkenderdí qorǵau jūmysyn kúsheıtken.
«Kóp jaǵdaıda stalkıng tūraqty qońyrau shaludan, qorqytyp, ańdyp, júríp-tūruyn baqylap, psıhologıyalyq qysym jasaudan bastalady. Keıde balalary, tuystary arqyly da qysym kórsetíp jatady. Mūndaı árekettíń sońy keıín auyr qylmysqa alyp keluí múmkín. Sondyqtan polıtsıya zorlyq-zombylyqtyń erterek aldyn aluǵa tyrysady», — dep túsíndírdí spıker.
2026 jyldyń sáuír aıynyń qorytyndysy boıynsha 3104 adam profılaktıkalyq esepke qoıylypty. 2557 qūqyqbūzushyǵa qatysty qorǵau nūsqamalary shyǵarylsa, taǵy 547 adamǵa sot erekshe mínez-qūlyq talaptaryn belgílegen. Qorǵau nūsqamasyn būzǵany úshín 127 adam, erekshe talaptardy būzǵany úshín 145 adam jauapkershílíkke tartylypty.
Otbasylyq-tūrmystyq qatynastar salasyndaǵy ákímshílík qūqyqbūzushylyq úshín 2173 adam ákímshílík jauapkershílíkke tartylǵan. Jyl basynan berí polıtsıyaǵa osyndaı 4952 aryz-shaǵym men habarlama túsken.
Jábírlenushílerdíń qauípsízdígín qamtamasyz etu úshín polıtsıya kúsh kórsetkenderdí shektep, oqshaulap otyrady. 17 adam uaqytsha abaqtyǵa qamalyp, qūqyq būzǵan taǵy adam 347 arnauly oryndarǵa ornalastyrylǵan.
Sottar tarapynan da jábírlenushíní qorǵaudyń qosymsha sharalary qabyldanyp jatyr. Atap aıtqanda, qūqyqbūzushylarǵa qatysty 30 erekshe mínez-qūlyq talaby belgíleníp, 6 jaǵdaıda jábírlenuge jaqyndauǵa tyıym salynǵan.
Sonymen qatar, agressıvtí mínez-qūlyqty túzetu jūmysy da júrgízíledí. Jyl basynan berí 78 adam alkogolızmnen májbúrlí emdeluge jíberílíp, taǵy 30 qūqyqbūzushy psıhokorrektsıya kabınetíndegí arnauly psıhologıyalyq baǵdarlamalardan ótken.
Qıyn ómírlík jaǵdaıǵa tap bolǵan áıelder men balalarǵa kómek kórsetuge erekshe kóńíl bólíníp otyr. Daǵdarys ortalyqtarymen bírlesíp, zardap shekkenderge qūqyqtyq, psıhologıyalyq jáne áleumettík qoldau kórsetílíp jatyr. Jyl basynan berí daǵdarys ortalyqtaryna 24 áıel jíberílíp, olarmen bírge 49 kámeletke tolmaǵan bala ornalasqan. Almatyda zorlyq-zombylyqtan zardap shekkenderge kómek kórsetetín 16 memlekettík emhana jūmys ísteıdí.
«Zorlyq-zombylyq pen stalkıngke qarsy kúres polıtsıyanyń ǵana míndetí emes. Būl — memleket, qoǵam, otbasy, bílím beru mekemelerí men ár azamattyń ortaq jauapkershílígí. Qorqytu, qudalau nemese zorlyq-zombylyqtyń bírde-bír faktísí nazardan tys qalmauy tıís. Uaqtyly kómekke júgínu qaıǵyly jaǵdaıdyń aldyn aluy múmkín», — deıdí Aıtan Eleusízov.