Almaty oblysynda kıberpolıtseıler memlekettík grant aluǵa kómek kórsetemín degen syltaumen azamattardy WhatsApp messendjerí arqyly aldap kelgen áıeldíń zańsyz áreketín toqtatty, dep habarlaıdy aqshamnews.kz Polisia.kz-ke sílteme jasap.
– Jedel-ízdestíru sharalary barysynda Eńbekshíqazaq audanynda jergílíktí tūrǵyn ūstaldy. Tergeu barysynda ol azamattardy aldap, 5 mıllıon teńgeden astam qarajatty ıemdengení anyqtaldy. Qazírgí tańda sotqa deıíngí tergeu ayasynda onyń zańsyz áreketteríníń 10-nan astam epızody tírkeldí, – dep habarlady kıberpolıtseıler.
Atalǵan faktí boıynsha QR QK-níń 190-babymen qylmystyq ís qozǵalyp, tergeu amaldary júrgízílíp jatyr. Kúdíktí barlyq qajettí tergeu sharasyn júrgízu úshín polıtsıya bólímshesíne jetkízíldí. Polıtsıya azamattardy saq boluǵa shaqyrady. Memlekettík organdardyń atynan qarjylyq kómek turaly kúmándí ūsynystarǵa, ásírese messendjerler men áleumettík jelíler arqyly taratylatyn habarlamalarǵa senbeuge keńes beredí.