24 jeltoqsanda Almaty oblysy polıtsıya departamentíníń esírtkí qylmysyna qarsy ís-qımyl basqarmasynyń qyzmetkerlerí QR ÍÍM krımınaldyq polıtsıya departamentímen bírlesíp, arnaıy bólímsheníń kúshtík qoldauymen jáne kınologıyalyq qyzmet ortalyǵyn tarta otyryp, Almaty oblysynyń aumaǵynda jedel ízdestíru ís-sharalarynyń keshenín ótkízdí, - dep habarlaıdy Aqshamnews.kz.
Operatsıya barysynda jedel qyzyǵushylyq tudyrǵan bírneshe mekenjaı bír mezgílde tekseríldí. Íle audanynyń Baıserke jáne Alı auyldarynda sanktsıyalanǵan tíntu barysynda erekshe ıísí bar ósímdík tektes zattar, boljam boıynsha marıhuana, sondaı-aq keptírílgen, boljam boıynsha qarasora ósímdíkterí anyqtalyp, tárkílendí.
Talǵar audanynyń Jalkamys, Besaǵash jáne Jańalyq eldí mekenderínde ósímdík tektes esírtkí zattary, sondaı-aq esírtkí zattaryn ósíruge jáne paıdalanuǵa arnalǵan dep boljanatyn qūral-jabdyqtar men zattar anyqtalyp, tárkílendí. Keıbír tárkílengen zattar boıynsha olardy saqtau zańdylyǵyna qatysty tekseru júrgízílude. Sonymen qatar Jambyl audanynyń Myńbaev auylynda tūrǵyn úıdí tíntu barysynda erekshe ıísí bar ósímdík tektes ūntaq tárízdí zat tárkílendí.
Atalǵan barlyq faktíler boıynsha qoldanystaǵy zańnama talaptaryna sáıkes sotqa deıíngí tergep-tekseru jáne ózge de protsessualdyq tekseru sharalary júrgízílude. Polıtsıya esírtkí zattarynyń zańsyz aınalymyna qarsy júıelí jūmysty jalǵastyryp, azamattardy osyndaı qylmystardy anyqtauǵa yqpal etetín aqparatty qūqyq qorǵau organdaryna habarlauǵa shaqyrady.