Amandyq Batalov BI-Group holdıngíníń dırektorlar keńesíníń tóraǵasy Aıdyn Rahımbaev bastaǵan kompanıya ókílderín qabyldady.
Almaty oblysy úsh auysymdy mektepterdí joyu máselesín BI-Group holdıngímen bírlesíp sheshu turaly arnaıy baǵdarlama ázírlemek , - dep habarlaıdy Almaty-akshamy.kz Almaty oblysy ákímíníń baspasóz qyzmetíne sílteme jasap.
Amandyq Batalov BI-Group holdıngíníń dırektorlar keńesíníń tóraǵasy Aıdyn Rahımbaev bastaǵan kompanıya ókílderín qabyldady. Kezdesu barysynda ekí jaqty áríptestík baılanystar máselesí talqylandy. Sonyń íshínde, ásírese, áleumettík nysandar men tūrǵyn úı qūrylysyna qatysty keńínen sóz boldy.
Oblys ákímí atalmysh írgelí kompanıyanyń Jetísu óńíríníń, sonyń íshínde Taldyqorǵan qalasynyń sáulettík damuyna zor úles qosqanyn atap óttí.
«BI-Group holdıngí Taldyqorǵanda ınfektsıyalyq auruhanany, drama teatryn tūrǵyzdy. Oblysta bírqatar mektepterdíń kúrdelí jóndeuín, qūrylysyn júrgízdí. Astanamyzdyń 20 jyldyǵyna arnap salǵan «Jetísu» sayabaǵy - qazír elordalyqtardyń eń súıíktí demalys oryndarynyń bírí. Úsharal áuejaıynyń ūshyp-qonu jolaǵyn jóndeuge de atsalysady. «Jūmyspen qamtudyń jol kartasy» baǵdarlamasynyń íske asyryluyna belsene qatysty. BI-Group kompanıyasy – bíz úshín eń aldymen sapa men senímdílík. Sondyqtan bíz sízdermen ary qaraı da jūmys ísteuge nıettímíz. Taldyqorǵan qalasynan tūrǵyn úı keshenín salsańyzdar, ekí jaqqa da tıímdí bolar edí. Bízdíń oblysta tūrǵyn úı kezegínde tūrǵan azamattardyń sany 50 myńdaı. Taldyqorǵannyń ózínde 15 myń shamasynda. Sol sıyaqty áleumettík nysandardyń qūrylysyna qatysty jobalarǵa da qatyssańyzdar, quanamyz», - dedí Amandyq Batalov.
Mūnan soń sóz alǵan BI-Group holdıngíníń dırektorlar keńesíníń tóraǵasy Aıdyn Rahımbaev bíraz jyldan berí Almaty oblysynda kóptegen jobalardy íske asyrǵandaryn aıtty. Senímdí seríktes retínde ískerlík baılanystardy odan árí damytuǵa peıíldí. Ol óz sózínde mektepterdíń qūrylystaryna qatysty bírneshe ūsynystary bar ekenín jetkízdí.
Atap aıtqanda, Nur Otan partıyasynyń saılaualdy baǵdarlamasynda basymdyq berílgen míndetterdíń bírí - oqushy ornynyń jetíspeushílígín joıyp, 2025 jylǵa deıín 800 mektep salu. BI-Group kompanıyasy osy baǵdarlama sheńberínde bes jyl íshínde jańa formattaǵy 101 mektep saludy josparlap otyr. Sonyń íshínde Almaty oblysynda salu qarastyrylǵan 5 mekteptíń ekeuín Talǵar audanynyń Taldybūlaq jáne Baıbūlaq auyldarynda tūrǵyzu belgílengen. Olarǵa qajettí jer uchaskelerí anyqtalǵan. Memlekettík-jekemenshík áríptestík mehanızmí negízínde salynatyn mektepterdíń jobalyq qūnynyń 30%-ín ákímdík qarjylandyrsa, 20% - jeke ınvestıtsıya, 50% bank arqyly susıdıyalau negízínde íske asyrylmaq.
Osy jobalardy oblys ákímí maqūldasa, bıylǵy jyly qūrylys jūmystaryn bastaıtyndyqtaryn aıtty. Būl ekí mektep jańa formattaǵy mektepter qandaı boluy kerek degende úlgí retínde kórsetetíndeı bolmaq. Pándík bílím berumen qatar qarjylyq, tsıfrlyq sauattylyqqa baulu, balalardyń oquǵa degen yntasyn arttyru maqsatynda bos keńístíktí, zamanauı ıntererlík sheshímderdí tartymdy paıdalanu jaǵy da qarastyrylady. Mektepter qūrylysynyń MJÁ negízínde salynu kezeńderí men protseduralary talqylanǵannan keıín Aıdyn Rahımbaev kelesí másele – Talǵar audany aumaǵynda 450 oryndyq daryndy balalarǵa arnalǵan Abaı atyndaǵy respublıkalyq mektep-ınternatyn salu taqyrybyna oıysty.
Oblys ákímí tıístí lauazymdy tūlǵalarǵa atalmysh bílím beru nysanynyń ornalasatyn jerí boıynsha naqty ūsynys beríp, bír aı íshínde jer uchaskesí máselesín sheshudí tapsyrdy.
Sonymen qatar qūrylys kompanıyasy oblysta jalpy sany 836 oryndyq alty shaǵyn jınaqty mektep saludy bastamaq. Almaty oblysynyń Bóríbaı bı, Sarytóbe, Jaıdaqbūlaq, Kazatkom, Sholaqqarǵaly, Kókdala auyldarynda salynatyn mektepterdíń jobalyq-smetalyq qūjattary daıyn. Tıístí saraptamadan ótkennen keıín qūrylys jūmystary bastalady. Kompanıya basshysynyń aıtuynsha, mektepterdíń qūrylysyn jyl sońyna deıín ayaqtau josparlanyp otyr.
Al tūrǵyn úı qūrylysyna qatysty Aıdyn Rahımbaev arnaıy daıyndalyp, jan-jaqty oılastyryp, daıyn jobamen kelsek degen oıyn aıtty.
Kezdesu sońynda oblys ákímí Amandyq Batalov BI-Group holdıngí basshysynyń ūsynystaryn qoldaıtynyn jetkízdí.
«Ūsynystaryńyzdy qoldaımyn. Bíz holdıngpen bírlesíp, oblystaǵy 3 auysymdy mektepterdí joyudyń baǵdarlamasyn ázírlemíz. 2025 jylǵa deıín qaı eldí mekenderde qansha mektep salamyz, būl sonyń bárín egjeı-tegjeılí naqtylaıtyn qūjat bolady. Bízde qazír 49 úsh auysymdy mektep bar. Ásírese, būl másele Almaty mańyndaǵy audandarda ózektí bolyp otyr. Bíz mektepter salatyn jer uchaskelerín daıyndaımyz, ınjenerlík ınfraqūrylym tartyp beremíz, atqarushy organ tarapynan beríluí tıístí qarjyny bólemíz, al sízder jańa mektep salyp beresízder. Būl bízge úsh auysymdy mektepterdí joyuda úlken kómek bolady. Sol sıyaqty Taldyqorǵan qalasynda tūtas tūrǵyn úı keshenderín saluǵa ınjenerlík jelíler júrgízílgen daıyn alańdar bar. Jalpy oblys kólemínde júrgízíletín tūrǵyn úı qūrylysyna belsendí qatysyńyzdar», - dedí Amandyq Batalov. Oblys basshysynyń aıtuynsha, būl rette «Jetísu» ÁKK «ÓDI» AQ men BI-Group holdıngí ózara tyǵyz jūmys ísteıtín bolady.
Sol sıyaqty tıístí mekeme basshylaryna BI-Group kompanıyasy MJÁ mehanızmímen salatyn Talǵar audanyndaǵy ekí mekteptíń jergílíktí organ tarapynan qoldauǵa tıís qandaı qajettílíkterí bar, sony anyqtap, ekínshí jartyjyldyqqa ūsynys berudí tapsyrdy. Jáne BI-Group kompanıyasymen bírlesíp úsh auysymdy mektepterdí joyudyń 2025 jylǵa deıíngí baǵdarlamasyn ázírleudí de míndettedí.