Almaty Nauryz meıramyn qarsy aluǵa daıyn. Qala kelbetí jańaryp, ortalyq kósheler men alańdarda taqyryptyq ınstallyatsıyalar ornatylyp, ūlttyq oyu-órnektermen bezendírílgen bannerler men sándík elementter paıda boluda. Sauda ortalyqtarynyń vıtrınalary men qoǵamdyq keńístíkter bírtūtas stılde bezendírílíp, qala tūrǵyndaryna merekeníń jaqyndaǵanyn aıqyn sezíndírude, – dep habarlaıdy aqshamnews.kz tílshísí.
Merekelík onkúndík mazmūndy árí auqymdy ís-sharalarmen bastaldy. Sonyń bírí — jappaı kúı oryndau fleshmoby. 11 500-den astam jas dombyrashy qazaqtyń klassıkalyq kúılerí men zamanauı shyǵarmalaryn bír mezette oryndap, megapolıstí alyp kontsert alańyna aınaldyrdy. Būl shara ūlttyq mūraǵa degen qūrmettíń jarqyn kórínísí boldy.
Almatylyqtar dástúrlí «Kórísu kúníne» — qauyshu men amandasu kúníne de erekshe mán berdí. Kóktóbede kontsert ūıymdastyrylyp, qala tūrǵyndary bír-bírín kóktemníń keluímen qūttyqtady.
Merekelík kóńíl-kúı kúndelíktí ómírde de aıqyn baıqaluda: mekeme qyzmetkerlerí, bıznes ókílderí men qala tūrǵyndary ūlttyq kıímderdí — kamzol, shapan, taqıyany jıí tańdap, ūlttyq mádenıet pen dástúrge degen qūrmetterín bíldírude.
Búgín keshke merekelík baǵdarlama erekshe formatta jalǵasady — ūlttyq kıímdegí jappaı mūz aıdynynda syrǵanau ūıymdastyrylady. Qala tūrǵyndary men qonaqtary belsendí demalyp qana qoımaı, jarqyn mádenı ís-sharanyń bír bólígíne aınalady.
Almaty ákímdígí aldaǵy demalys kúnderíne arnalǵan auqymdy merekelík baǵdarlamany jarıyalady. Qala tūrǵyndaryn kontsertter, jármeńkeler, etnofestıvalder men halyqtyq seruender kútude.
Nauryz qarsańynda Almaty erekshe yrǵaqpen ómír súríp jatyr — būl kezeń ūrpaqtardy bíríktíríp, ūlttyq dástúrlerdí dáríptep, qalaǵa jylulyq pen quanysh syılaıdy.